Urkunde Nr. 4195 aus Band VII

Seite im UB:

142-144

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 144
- Abt. 8. K. A. Grosskopisch [Parohia Ev. CA Copsa Mare], Nr. 2.

Druckvorlage:

nach Original

Abdruck als:

Volltext

Sprache:

Latein

---

4195

Hermannstadt 1477 Juni 6 Die Sieben Stühle entscheiden den Streit zwischen Jakob Greb samt Brüdern und der Gemeinde Groß-Kopisch um die Erblichkeit des Gräfenamtes zu Gunsten der Dorfgemeinde.

Nos magister Thomas Altemberger Cibiniensis, magister Michael Zegeswariensis magistri civium, Ladislaus Hann Cibiniensis, Hieronimus Zegeswariensis, Nicolaus de Gerennd sedis Luschkyrch, Nicolaus filius Sixti sedis Ruppes, magister Matheus sedis Rusmarg ac Stephanus Croner sedis Boroz iudices regii, Blasius Magnus sedis Schenck, iudex terrestris, Bartholomeus Hutter, Johannes Burger, Georgius Sartor necnon Nicolaus Croner iurati consules urbis Cibiniensis praedictae unacum aliis coassessoribiis nostris iuratis senioribus septem sedium Saxonicalium partium Transilvanarum memoriae commendamus tenore praesentium significantes quibus incumbit universis, quod cum nos in praesenti generali congregatione nostra in hac civitate Cibiniensi more alias consueto pro reddenda cuilibet iustitia pro tribunali consedissemus, comparuerunt coram nobis personaliter in causa appellationis de praesentia circumspectorum iudicum et iuratorum seniorum duarum sedium Saxonicalium partium praedictarum ad nos legitime deducta honorabilis ac discretus dominus Johannes artium baccalaureus, plebanus ac providi [S. 143] viri Michael Richart villicus, Valentinus Dümlinck dictus, Sigismundus Pilgrum, Johannes Hammer, Bartholomeus Vngerman, Christannus Sutoris et Johannes Wälman necnon Jacobus Faber, iurati seniores in suis ac universorum inhabitatorum de Kappasch maiori in praenotatis duabus sedibus Saxonicalibus adiacentium nobisque proponere curarunt, quomodo quidam Jacobus Gereb dictus in sua et singulorum fratrum et amicorum suorum personis in, eadem Kappasch maiori commorantium observata legitima citatione contra totam communitatem de praedicta Capusch in iudiciaria sessione iudicum et iuratorum seniorum praemissarum duarum sedium in opido Megyes celebrata proposuisset, quod communitas hospitum seu populorum memoratae villae Cappasch maioris ipsum cum suis fratribus et amicis honore et officio iudicatus seu grebatus per mortem genitorum et parentum suorum ad eum et suos fratres et amicos iure successorio devolutis absque omne culta et causa privaret et eiecisset in praeiudicium iurium et heredum suorum ac dampnum non modicum. Ex adverso praedicti dominus Johannes plebanus cum praeexpressatis iuratis senioribus in sua ac universorum inhabitatorum totius communitatis similiter personis de Capasch maiori cum plena potestate nomine procuratorio respondissent praefatum Jacobum Gereb cum suis fratribus et amicis universis nullum penitus ius proprietatis iure perpetuo et hereditarie ac successoris ad praeligatum honorem officiolatus seu gerebatus ipsius villae Cappasch maioris habere, qua ratione et causa praedacta communitas de Cappasch praetitulatum Jacobum cum suis fratribus et amicis de ipso iudicatu sequestrasset addicentesque insuper praenotati exponentes, quomodo iudices et iurati seniores praenarratarum duarum sedium in eadem causa inter partes talem decrevissent sententiam, quod praetactus Jacobus Gereb cum suis fratiribus et amicis in termine ipsis praefixo literalibus documentis et instrumentis sufficienter edocere deberent, ut genitores et parentes ipsorum huiusmodi iudicatum iure hereditario possedissent vel ut praelibata communitas Cappasch cum viginti quatuor honestis ac fidedignis personis iuramentum super eo deponere, teneretur, quod genitor praetacti Jacobi neque genitores fratrum et amicorum suorum honorem iudicatus dictae villae iure hereditaria¹⁾ non possedissent. Termino itaque adveniente Jacobus Gereb cum suis fratribus et amicis in literalibus instrumentis et documentis super huiusmodi iudicatu defecissent. Ad praestandum vero tanta iuramenta in huiusmodi termino communitas populorum de Cappasch maiori se aggravata cognovisset et praevia ratione memoratam causam cum tota eius serie in nostram iudiciariam seniorem per modum appellationis more solito provocasset. Quae omnia sic facta fore testibus idoneis et sufficientibus viris circumspectis Laurencio Aurifabro iudice, Maitino Fabro villico necnon Martino notario duarum sedium se velle comprobare asserebant. Quiquidem testes iam nominati pro tunc nostri coassessores per nos more consueto requisiti vivae vocis oraculo fideque mediante praetactam causam quem admodum saepiustacti Johannes plebanus cum suis senioribus praedictis nomine communitatis proposuissent actitatam et sententiatam fore recognoscendum fatebantur petentes nos iidem in persona communitatis et suorum propriis per nos iuris medelam elargiri. Unde nos auditis propositionibus et documentis dictorum villanorum per nos sane intellectis propter absentiam partis adversae huiusmodi nostram sessionem iudiciariam usque in tertium diem diutius quam debuimus prorogavimus. Demum vero iuxta consuetudinem patriae in praefata causa procedere volentes. Primo secundario et tertiario interogari et publica ac praeconica voce per ministrum nostri, iudicii ante valvis consistorii proclamari fecimus, ut si quis hominum praeme moratis Jacobo et eius fratibus ac amicis vel ipsimet in saepius nominata causa iudicatus respondere foret aut curarent ut illi venirent pro quibus vero nec ipsi pro se neque aliqui pro- [S. 144] ipsis coram nobis comparere curavit neque curarunt sed iidem se ipsos a facie iuris et iustitiae absentarunt. Ea propter nos deum et eius sanctam iustitiam prae oculis habentes propter contumaciam partis adversae memoratos villicum et iuratos seniores ac totam communitatem ab instantia et ab ulteriori in petitione et infestatatione dictorum Jacobi fratrumque et amicorum suorum universorum ratione praenarrati iudicatus absolvimus liberaque reddimus ipsamque communitatem populorum Cappasch et per omnia absolutam hac sententia nostra definitiva mediante, partique adversae hac de causa perpetuum silentium iniungentes. In cuius rei testimonium firmitatemque perpetuam praesentes nostras literas sigilli nostri provinciali maiori sub appensione roboratas praefatae communitati Cappasch maiori ac universis inhabitatoribus praesentibus et futuris iuris ad cautelam duximus concedendas. Datum Cibinii feria sexta proxima post festum excellentissimi corporis dominice in nostra generali iudiciaria sessione, anno domini millesimo quadringentesimo septuagesimo septimo.


1) So Vorlage.^{^}