Urkunde Nr. 205 aus Band I

Seite im UB:

146

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

205

1283 Opour, Woiwode von Siebenbürgen, bestätigt den Deutschen zu [Desch / ] Deés die ihnen von König Ladislaus IV. verliehene eigene Gerichtsbarkeit.

Nos Opour vaivoda [Transsiluanu]s, comes de Zonuk memoriae commendantes significamus quibus expedit universis, quod villicus et hospites [de Dees]war ad nostram accedentes praesentiam exhibuerunt nobis privilegium domini nostri Ladislai illustris regis Hungariae sup[er liberta]te eorum datum et concessum, videlicet quod a iurisdictione comitis de Zonuk curialis comitis et iobagionum eiusdem castri penitus sint exempti, ita quod ipsos nemo possit iudicare sed in causis omnibus inter ipsos exortis villicus eorundem iudicabit pro tempore constitutus, et petiverunt a nobis diligenti cum instantia, ut eosdem in ipsa libertate per dominum regem eisdem data et concessa conservaremus. Nos igitur petitionibus dictorum hospitum iustis et legitimis annuentes praedictum privilegium ipsorum libertatem continentem ratum per omnia habentes ut tenemur et acceptum eosdem hospites in praemissa libertate volumus et intendimus gratulari. Dicimus etiam, quod causas extraneorum si ibidem aliquas contingat habere, idem villicus iudicabit, plures etiam articulos qui longum erant ad scribendum ipsum privilegium tenente et habente¹⁾. Datum anno domini M^o. CC^o. octuagesimo III^o.


1) So Vorlage.^{^}