Urkunde Nr. 4164 aus Band VII

Seite im UB:

124-125

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 216 - Abt. 13: K. A. Mediasch [Parohia Ev. CA Mediaş], Nr. 27 (alt Nr. 49).

Druckvorlage:

nach Original

Abdruck als:

Volltext

Sprache:

Latein

---

4164

Ofen 1477 Januar 9 König Matthias gestattet dem Marktort Mediasch, für das Aufgebot lediglich 32 Mann zu stellen, und den Rest der Mannschaft zur Verteidigung des Kirchenkastells zurückzubehalten.

Von der Kanzlei: Comissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos dum ad supplicationem fidelis nostri egregii Ladislai filii Georgii Thabyasy de Eczeel per eum pro parte et in personis fidelium nostrorum circumspectorum iudicis et iuratorum universorum civium civitatis nostrae Megyes nostrae propterea porrectam maiestati. Tum vero ut iidem cives praescriptam civitatem nostram ac castrum ibidem constructum seque ab omnibus adversis et rebus nocivis tum necessarium foret ad honorem maiestatis nostrae et eorum melius et competentius tueri et custodire valeant, eisdem civibus nostris id gratiose duximus annuendum et concedendum, ut temporum in successu dum videlicet in partibus regni nostri Transsilvanis generalis exercitus iuxta morem et consuetudinem earundem partium instau- [S. 125] raretur, ex tunc ipsi cives de medio eorum ratione ipsius civitatis nostrae ad huiusmodi exercitum generale non plus quam triginta duos homines exercituantes mittere et [levare]¹⁾ teneantur Immo annuimus et concedimus praesentium per vigorem. Quocirca vobis fidelibus nostris magnificis vaivodis eorumque vicevaivodis cunctis etiam aliis levatoribus ac soilicitaribus exercituum partium regni nostri Transsilvanensis necnon iudici et iuratis senioribus²⁾ duarum sedium Saxonicalium videlicet Megyes et Selk nunc³⁾ constitutis et in futurum constituendis harum serie firmiter praecipiendo mandamus aliud habere nolentes, quatenus habita praesentium notitia de praescriptis civibus nostris ad aliquem exercitum generale contra formam praemissae nostrae annuentes non plus quam praedictos triginta duos homines exercituantes ratione dictae civitatis nostrae petere seu exigere debeatis aut ipsos propter [ ]⁴⁾ dispositionem seu ordinationem plurium hominum exercituantium impediere, perturbare seu quovis modo dampnificare nusquam praesumatis nec sitis ausi quoquomodo. Praesentibus perlectis exhibenti restitutis. [Datum] Budae feria quinta proxima post festum Epiphaniarum domini, anno eiusdem millesimo quadringentesimo [septua] gesimo septimo, regnorum nostrorum anno Hungariae et cetera decimo nono, Bohemiae vero octavo.


1) 11 mm verwischt.^{^}
2) Auf Rasur.^{^}
3) über der Zeile. ^{^}
4) 4 mm verwischt. ^{^}