Urkunde Nr. 4146 aus Band VII

Seite im UB:

113

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 369.

Druckvorlage:

nach Original

Abdruck als:

Volltext

Sprache:

Latein

---

4146

Ofen 1476 September 23 König Matthias verbietet den Woiwoden und Vizewoiwoden Siebenbürgens, sich in die Gerichtsbarkeit der in der Vorstadt von Hermannstadt angesiedelten Zigeuner einzumischen.

Mathias dei gartia rex Hungariae, Bohemiae et cetera fidelibus nostris magnificis vaivodis partium nostrarum Transsilvanarum vel eorum vicevaivodis salutem et gratiam. Expositum extitit maiestati nostrae in personis fidelium nostrorum circumspectorum civium et communitatis civitatis nostrae Czibiniensis gravi querela, quomodo plerumque vos vestrique homines et familiares populos illos egiptiacos seu, ut vulgariter nuncupantur, cziganos in suburbio ipsius civitatis residentes, quos videlicet nos mediantibus aliis literis nostris in subsidium et necessarios labores eiusdem civitatis deputavimus, tam in personis quam rebus plurimum turbarent, dampnificarent et vario modo angariarent in grave praeiudicium ipsius civitatis. Et quia sicuti ipsi Czigani semel ditioni ipsius civitatis per nos deputati sunt, ita etiam a vestra et vestrorum officialium potestate et iurisdictione omnino volumus haberi exemptos. Fidelitati igitur vestrae harum serie firmiter praecipimus quatenus a modo in posterum ab omni perturbatione, dampnificatione et angaratione praefatorum Cziganorum vos cessetis vestrosque cessare faciatis¹⁾ et interdicere debeatis taliter, quod deinceps propterea maiestati nostrae querela non porrigatur. Secus non facturi. Praesentibus perlectis exhibenti restitutis. Datum Budae feria secunda proxima post festum beati Mathei apostoli et evangelistae, anno domini millesimo quadringentesimo septuagesimo sexto, regnorum nostrorum anno Hungariae et cetera decimo septimo, Bohemiae vero octavo.

Von der Kanzlei: Relatio Georgii praepositi Quinqueecclesiensis, thesaurarii.

Auf der Rückseite gleichzeitig: Super Ciganos.


1) Über der Zeile.^{^}