Urkunde Nr. 4145 aus Band VII

Seite im UB:

112

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 211.

Druckvorlage:

nach Abschrift

Abdruck als:

Volltext

Sprache:

Latein

---

4145

Ofen 1476 September 22 König Matthias gibt bekannt, dass er die Entscheidung des Zollstreites der ungarischen und siebenbürgisehen Städte mit dem Grosswardeiner Kapitel vertagt hat und verfügt betreffend die provisorische Einhebung der Zollgebühren.

Nos Mathias dei gratia rex Hungariae, Bohemiae et cetera, damus pro memoria quod causa quae inter honorabile capitulum ecclesiae Waradiensis ac universos¹⁾ cives et mercatores cunctarum liberarum civitatum nostrarum, tam in partibus Transsilvanis, quam etiam intra ambitum huius regni nostri ubicunque commorantes et signanter inter cives et mercatores Cibiniensis, Brassouiensis et Coluswariensis, necnon Budensis, Pesthiensis et Cassouiensis civitatum nostrarum regalium iuxta continentias aliarum literarum nostrarum²⁾ prorogatoriarum super facto eiusdem tributi in civitate Wardiensi habiti, literis in eisdem declarati, in festo nativitatis beatae Mariae virginis proxime praeterito³⁾ coram nostra personali praesentia vertebatur. In quamquam causam Martinus Literatus de Edeles in persona reverendi domini Johannis electi dictae ecclesiae Waradiensis cum procuratoriis literis eiusdem se intromisit et certis et rationalibus ex causis, ad quindenum diem festi purificationis beatae Mariae virginis proxime venturae⁴⁾ in eandem nostram personalem praesentiam duximus prorogandam eo modo ut tam idem Transsilvani quam etiam ceteri cives et mercatores cunctarum aliarum liberarum civitatum nostrarum commorantes interim et usque dictum quindecimum diem praedicti festi purificationis beatae Mariae virginis⁴⁾ et decisionem praesentis causae duos partes dumtaxat praetactorum tributorum dare et solvere, solutionem huiusmodi tributorum apud manus fidelium nostrorum providorum Benedicti Bolthus, iudicis dictae civitatis Waradiensis pro parte dicti capituli, item Demetrii Literati in Wad Kerth vico scilicet episcopali eiusdem civitatis commorantis pro parte praedictorum civium et mercatorum tamquam ad fidelem manus per ipsos partes coram nobis parili voluntate electorum tempus usque praefixum et causae huius plenariam decisionem reponere teneantur, tandemque habita decisione causae praetactae iidem Benedictus Boltus et Demetrius Literatus illi parti inque causam ipsorum coram nobis obtinebit eandem solutionem tributorum dare debeant, hoc declarato, quod iidem mercatores tertiam partem dicti tributi modo simili usqae tempus praefixum et causae decisionem solvere non tenantur nihilominusque praefati mercatores et cives cunctarum civitatum nostrarum liberarum praetactarum partium Transsilvanarum solutionem tributariam tributo in praedicto ita et illo modo quo quomodo cives et mercatores dictarum civitatum nostrarum Budensis et Pesthiensis hactenus⁵⁾ fecerunt facere debeant, et nec tributarii in praedicto tributo pro tempore constituti eosdem cives et mercatores Transsilvanenses ultra illum modum ad solutionem huiusmodi tributi cogere et asstringere audeant quoquomodo, testimonio praesentium mediante. Datum Budae quindecimo die termini praenotati, anno domini M^o CCCC^o septuagesimo sexto.

Von der Kanzlei: Lecta. [S. 113]


1) Vorlage universes.^{^}
2) Hierauf gestrichen prote.^{^}
3) September 8.^{^}
4) Februar 16. [2x]^{^}
5) Vorlage actentus.^{^}