Urkunde Nr. 4143 aus Band VII

Seite im UB:

110-111

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 710.

Druckvorlage:

nach Original

Abdruck als:

Volltext

Sprache:

Latein

---

4143

Ofen 1476 September 15 König Matthias fordert von der Bürgerschaft der Stadt Bistritz eine ausserordentliche Abgabe, um seine Auslagen bei den bevorstehenden Hochzeitsfeierlichkeiten zu bestreiten.

Mathias dei gratia rex Hungariae, Bohemiae et cetera fidelibus nostris prudentibus et circumspectis iudicis et iuratis ceterisque civibus civitatis nostrae Bistriciensis salutem et gratiam. Novisse potestis quam difficilis et graves expensas hiis temporibus pro necessaria regni nostri defensione contra Thurcos infestissimos regni nostri et totius christianitatis emulos fecerimus quantisque expensis ad reprimendas perfidi hostis vires insultusque repelendos opus fuerit et etiam nunc opus sit maiestati nostrae. Cum igitur post tantas et tam intollerabiles expensas et labores iam demum celebritas quoque nuptiarum nostrarum in proximo sit, ad quarum sollemnitatem similiter maximis impensis pro nostro et regni nostri decore necessarii simus, licet fidelitates vestras de praesenti alioquin libenter supportatos haberemus nisi tam urgens et ardua necessitas nobis tum pro eadem regni nostri defensione tum etiam pro huiusmodi nuptiarum nostrarum sollemnitate incumberet, facere tamen aliud non possumus, nisi ut tam difficiles impensas quas ad hanc sollemnitatem nostram ut praediximus facturi sumus civitatum et subditorum nostrorum contributione tolleremus. Quapropter misimus in vestri medium fideles nostros reverendum patrem dominum Nicolaum episcopum Thininiensem et venerabilem Urbanum praepositum ecclesiae sancti Nicolai [S. 111] de Alba ac nobilem Michaelem Literatum de Barach eos de voluntate et intentione nostra ad plenum informatos. Quicquic igitur iidem circa praemissas necessitates nostras fidelitatibus vestris nomine nostrae maiestatis dixerint et credere et modis omnibus citissime et absque omni dissimulatione expediatis. Et secus si gravissimam indignationem nostram incurrere formidatis nullo modo faciatis. Datum Budae secundo die festi exaltationis sacrae crucis, anno domini millesimo quadringentesimo septuagesimo sexto, regnorum nostrorum anno Hungariae et cetera decimo nono, Bohemiae vero octavo.

Von der Kanzlei: Relatio Georgii praepositi Quinqueecclesiensis, thesaurarii.