Urkunde Nr. 4140 aus Band VII

Seite im UB:

108

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27 059/1.

Druckvorlage:

nach Original

Abdruck als:

Volltext

Sprache:

Latein

---

4140

1476 September 5 Der Konvent von Kolozsmonostor bezeugt das Übereinkommen zwischen Dominik Kydey und Simon Porkolab von Klausenburg bezüglich 13 geliehenen Goldgulden.

Nos conventus monasterii beatae Mariae virginis de Colosmonostra memoriae commendamus, quod honorabilis et discretus vir Demetrius plebanus de Zenthmarthonmachkassa necnon nobiles Ladislaus de Almad, Jacobus Thewrek de Wybwda et Michael Magyary de eadem personaliter coram nobis constituti sunt confessi in hunc modum: quomodo nobilis quondam Dominicus Kydey de praefata Zenthmarthonmachkassa coram praedicto honorabili Demetrio plebano confessori suo ac ceteris nobilibus supranominatis in ultima testamentali sua legatione fassus fuissetut ipse Symonii Porkolab de Koloswar tredecim florenos auri debitare obligaretur quos eidem ad tunc reddere et persolvere promptis in pecuniis nequivisset. Volente igitur de rehabitione praescriptorum tredecim florenorum auri eundem Symonem Porcolab certum reddere et se [ ]¹⁾ quasdam duas sessiones suas desertas in praefata possessione Zenthmarthonmachkassa vocata in comitatu de Kolos existente habitas simulcum cunctis earundem utilitatibus et pertinentiis quibuslibet puta terris arabilibus cultis et incultis, agris, pratis, nemoribus et generaliter cunctis utilitatum integritatibus quovis nominis vocabulo vocitatis ad easdem duas sessiones spectantibus et pertinere debentibus praefato Symoni Porkolab pro praedictis tredecim florenis auri puri Hungaricali infra tempus redemptionis earundem pignori obligasset talimodo, ut dum et quicumque praefato quondam Dominico aut haeredibus suis facultas redimendi suppereret,²⁾ extunc annotatus Symon Porcolab rehabitis prius ab ipsis dictos tredecim florenos auri puri praetactas duas sessiones desertas eidem pacifice et quiete simulcum praedictis cunctis utilitatibus et pertinentiis quibuslibet remitiere deberet et teneretur. In quorum praedictorum fassionis testimonium praesentes literas nostras patentes duximus concedendum immo iustitia suadente. Datum feria quinta proxima ante festum Nativitatis beatae Mariae virginis, anno domini millesimo quadringentesimo septuagesimo sexto. [S. 109]


1) Unleserlich cca. 8 mm. ^{^}
2) So Vorlage.^{^}