Urkunde Nr. 4135 aus Band VII

Seite im UB:

105-106

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 37 065.

Druckvorlage:

nach Original

Abdruck als:

Volltext

Sprache:

Latein

---

4135

Ofen 1476 August 6 König Matthias trägt den Rechtsinhabern des Landes auf, die Stadt Offenburg in ihrem Recht auf freien Warenverkehr in Siebenbürgen zu schützen.

[S. 106] Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus necnon civitatibus, opidis et villis ipsorumque rectoribus, iudicibus et villicis, quibus praesentes ostenduntur, salutem et gratiam. Cum iusti pro iniustis et innoxi pro reorum excessibus non debeant quoquomodo impediri, fidelitati itaque vestrae universitatis et cuilibet vestrum firmiter praecipimus et mandamus quatenus dum et quando ac quotienscumque fideles nostri circumspecti cives et incolae civitatis nostrae de Offembanya seu aliquis ipsorum aut homines et familiares eorum praesentium ostensores pro victum suorum necessaria acquisitione diversas regni nostri partes perlustrantes cum rebus et bonis ipsorum puta equis, bobus, agnis, pannis, cutibus, ferro, plombo, metallo, tritico, farina, lardis aut aliis quibusvis victualium et rerum generibus ad vos vestrasque terras, tenutas, possessiones, honores et officiolatus ac vestri in medium pervenerint, extunc eosdem seu quempiam ipsorum aut homines et familiares eorundem praetactos ac qurumvis in personis iudicare vel vestro astare iudicatui resque et bona eorum praefata quaecumquc arestare seu prohibere arestarique et prohiberi facere nequaquem praesumatis nec sitis modo aliquali, signante autem pro factis, debitis, offensis et aliorum excessibus, si qui erint, quittos¹⁾ tuitionis vel quaestionis contra praefatos cives, incolasque et inhabitatores praetactae civitatis nostrae Offembanya aut ipsorum aliquis hominesque et familiares eorundem seu ad ipsos pertinentes habent vel habuerint contra id in praesentia iudicis et iuratorum civium eiusdem loci iamdictae pro ]²⁾ iidem omnibus quaerulantibus tueri¹⁾ iuris et iustitiae ac debite satisfactionis complementum facere et exhibere tenebantur iuxta eorum civitatis praetactae consuetudinem prout dictabit ordo iuris. Secus ergo non facturi; praesentes autem post lecturam ubique reddi iubemus ptraesentanti. Datum Budae in frsto transfigurationis domini, anno iusdem millesimo quadragesimo septuagesimo sexto, regnorum nostrorum anno Hungariae et cetera decimo nono, Bohemiae vero octavo.


1) Lesung unsicher. [2x]^{^}
2) Schrift 65 mm durch Feuchtigkeit geschwunden.^{^}