Urkunde Nr. 4130 aus Band VII

Seite im UB:

102-103

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4130

Ofen 1476 Juli 31 König Matthias verbietet den Adligen von Someşeni, die Bewohner der Stadt Klausenburg weiterhin zu belästigen.

Mathias dei gratia rex Hungariae, Bohemiae et cetera fidelibus nostris nobilibus de Zamosfalwa et praesertim utroque Stephano Erdely, Gyerewfy de eadem salutem et gratiam. Gravem querelam fidelium nostrorum civium et incolarum ac totius communitatis civitatis nostrae de Koloswar, maiestati nostrae oblatam¹⁾ magna accepimus displicentia, quod vos nescitur quali temeritate ducti ipsos gravibus insolentiis multiplicibusque iniuriis, contumeliis²⁾ et dampni afficeretis, alios in propriis agris eorum verberando alios spoliando nonnullus siquidem etiam laetalibus vulneribus³⁾ vulnerando, ita quod plerumque ex ipsis pauci ad negotia sua exercenda civitatem et bonos suas, ante et propter vos egredi non auderent, verum quia credimus quos eas insolentias vestras tantaque mala ipsis, non nisi ipsorum pati- [S. 103] entia et taciturnitas pariat; quapropter nolentes nobis talia de cetero pati, requirimus vos hortamurque et monemus atque nichilominus sub debite fidelitatis obedientia districte praecipimus, quatenus a talismodi iniuriarum et turbationum illationibus de cetero petimus desistatis ac cum ipsis civibus et communitate praefatae civitatis nostrae de Koloswar pacifice et cum bona vicinitate maneatis. Alioquin si in ipsorum defensione iniuriarumque suarum propulsione vos quoque se ipsos ledi forte senseritis vobismet ipsis et vestrae impatientiae tantummodo rite imputare poteritis, Secus ergo non facturi. Praesentibus perlectis exhibenti restitutis. Datum Budae in profesto ad vincula beati Petri apostoli, anno domini millesimo quaringentesimo septuagesimo sexto, regnorum autem nostrorum anno Hungariae et cetera decimo nono, Bohemiae vero octavo.


1) Vorlage: dolatum. ^{^}
2) Vorlage: contameliis. ^{^}