Urkunde Nr. 4126 aus Band VII

Seite im UB:

99-100

Heute in:

Diemrich, Staatsarchiv [Direcţia Judeţeană Hunedoara a Arhivelor Naţionale ale Romȃniei, Deva]

Druckvorlage:

nach Original

Abdruck als:

Volltext

Sprache:

Latein

---

4126

1476 Juli 16 Das Weißenburger Kapitel bezeugt, dass Magdalene, die Tochter Nikolaus des Älteren von Salzburg einige Häuser, Kurien und Hörigen-Sessionen auf dem Giesshübel ihrem Familiaren Dominik Byro geschenkt hat.

Capitulum ecclesiae Albensis Transsilvanae omnibus Christi fidelibus tam praesentibus quam futuris praesens scriptum inspecturis salutem in salutis largitore. Ad universorum harum serie volumus pervenire, quod egregia domina Magdalena, filia quondam Nicolai senioris de Vizakna, consors videlicet egregii Sebastiani Orzag de Gwth, coram nobis personaliter constituta, onus et gravamen Ladislai Rykalphfy filii sui in se assumens, praesente etiam et audiente ac consentiente ipso Sebastiano Orszag domino et marito suo, confessa est sponte in hunc modum: Quod ipsa, consideratis et in animo recensitis fidelibus sevitiis et gratuitorum obsequiorum mertis circumspecti Dominici Byro, familiaris sui, quae idem primum praefato quondam Nicolao de Wyzakna genitori suo tantemque sibi tam prioris quam modernis dominorum suorum temporibus a gradibus suae adolescentiae usque ad haec tempora studuisset semper cum omni diligentia et absque reprehensionis vitio fideliter exhibere. Quae ratione nollet eundem prout nec deberet sine alicuius recompensationis provisione vacuum relinquere, quin immo volens eidem suae gratitudinis et remunerationis gratiam praemissorum suorum servitiorum meritis exhibentibus ostendere. Matura igitur in se superinde deliberatione praehabita quasdam domos et curias in possessione Kywzewel [S. 100] vocata, in comitatu Albensi existente, quae videlicet alias cuiusdam Iacobi Dalya praefuissent et quas nunc praefatus Dominicus Byro inhabitaret, simul cum aliis duabus sessionibus iobbagionalibus in eadem possessione iuxta rivulum inibi decurentem a parte meridionali adiacentibus, una scilicet iobbagionali, quam nunc quidam Emericus Zekel inhabitaret et altera deserta penes sessionem eiusdem Emerici a plaga meridionali existenti ipsam dominam Magdalenam pleno iure condernentes, simul cum cunctis et singulis ipsarum utilitatibus, terris scilicet arabilibus, cultis et incultis, silvis, nemoribus, pratis, pascuis, foenetis, aquis, piscaturis et generaliter aliis quibuslibet utilitatibus et utilitatum quovis nominis vocabulo vocitatorum integritatibus de iure ad easdem sessiones spectantibus et pertinere debentibus praelibato Dominico Byro familiari suo ac per eum dominae Cristinae consorti, necnon Iohanni et Stephano filiis ac puellae Margarethae, filiae eiusdem Dominici pro praemissis servitiis suis dedisset, dinasset et contulisset, nostrique dedit, donavit et contulit in praesentia iure perpetuo et irrevocabiliter tenenda, possidenda et habenda, nil iuris et dominii ipsa domina Magdalena sibi in eisdem reservante, sed omne et totale ius ac dominium, quem in eisdem sessionibus et earundem utilitatibus hactenus habuisset, in et ad praefatum Dominicum ac coniugem et proles eiusdem praedictas transferrens pleno iure. Assumens nihilominus et obligans praefata domina Magdalena se personaliter annotatum vero Ladislaum Rykalphfy ad onus in se receptum memoratum Dominicum ac coniugem et proles eiusdem contra omnes ipsos in eisdem legitime inquietare volentes semper in pacifico dominio earundem conservare, conditione ista specialiter expressata: Quod si forte temporum cursu praesertim ipsa domina Magdalena ab hac luce emigrante, praefatus Ladislaus Rykalphfy aut alii quipiam ipsum Dominicum Byro ac coniugem et proles eiudem in praetactis sessionibus turbare et impedire aut de dominio earundem eicere et excludere niterentur, extunc non aliter nisi prius persolutis et depositis eisdem quinquaginta floreni auri puri ipsos eicere aut excludere valeant neque possint. In cuius rei memoriam firmitatemque perpetuam praesentes literas nostras privilegiales pendentis et authentici sigilli nostri munimine roboratas duximus concendas. Datum feria tertia proxima post festum divisionis apostolorum, anno domini millesimo quadringentesimo septuagesimo sexto. Honorabilibus dominis praepositura vacante, Matheo decretorum doctore cantore, Petro custode et Matheo decano, aliisque canonicis ecclesiae nostrae praefatae in eadem altissimo iugiter famulantibus et devote.