Urkunde Nr. 4106 aus Band VII

Seite im UB:

87

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 130.

Druckvorlage:

nach Original

Abdruck als:

Volltext

Sprache:

Latein

---

4106

Somkerek 1476 April 15 ^a) Stephan Erdely de Somkerek, Kapitän in Siebenbürgen, bezeugt, dass die Bewohner von Bistritz neun Strassenräuber haben hinrichten lassen.

Stephanus Erdely de Somkerek per magnificum Johannem Pongracz de Dengelek vaivodam Transsilvanum ac comitem Siculorum in partibus Transsilvanis capitaneus constitutus memoriae commendamus tenore praesentium significantes quibus expedit universis, quae veniens coram nobis nobiles ac egregii viri Nicolaus Erdely de Somkerek alter Nicolaus Parkas de Harynna, Georgius et Johannes de Kerezthur, Petrus ac Johannes Chereny dicti de Balsfalwa spontanea eorundem voluntate confessi sunt in hunc modum: quomodo in annis proxime elapsis incolae et civitas Bystriciensis quosdam novem latrones per vias ipsius civitatis spoliantes captivassent captumque in suis tenuissent manibus et quibus mors licuisset, eosdem morti tradidissent insuper etiam praefati nobiles et egregii viri asseruerunt coram nobis ut ante captivationem et interemptionem praefatorum latronum per vias civitatis eiusdem multae spolitiones et interemptiones hominum fuissent, sed poat mortem eorundem spoliatorum nulla spoliatio et interemptio aliquorum hominum exstitit. Harum nostrarum literarum vigore et testimonio praesentium mediante, praesentibus perlectis exhibenti rogamus restitutis. Ex Somkerek feria secunda proxima post festum et dominicam resurrectionis domini, anno domini millesimo quadringentesimo¹⁾ septuagesimo sexto.


a) Ausstellungsort im UB als: Şintereag.^{^}

1) Hierauf folgt sexagesimo. ^{^}