Urkunde Nr. 4084 aus Band VII

Seite im UB:

72-73

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Zünfte [Colecţia Bresle] (Inventar 784-786), mittelalterliche Sammlung Nr. 16.

Druckvorlage:

nach Original

Abdruck als:

Volltext

Sprache:

Deutsch

---

4084

(1475 — 1500) Die Goldschmiedzunft von Ofen teilt der Klausenburger Goldschmiedezunft mit, daß der Meister Lorenz keine zunftgemäße Ausbildung erfahren hat.

Den ersamen vnd weisen vnd kunstreichen liebn mastern allermitanander der ganczn czech. Wir lassn ewer weishat wissn wie ain master czwischn ewe mitel sey der das hantwerch nit gelernt baten am selichen art als des hantwergs gewanhat ist vnd gerechtigkat ist. Er hats gelernt pan Am munich das ist nit czwyschn vns nit gewanhat ist der do pan den munichn czw sant Anthoni czu Pest pam frater Janusch gelernt vnd gedint hat das ist master Larenz. Er ist czu vns kumen in dy czech zu Ofn da hab wir in angereth drum vnd habn gefatert eyn puß dy hat er¹⁾ veracht vnd ist alzo der von gecogn. Darumb halt wir nichts von seynen geseln noch von seynen dinst potn nicht, Darumb yr ersamme weys hern schaut darczu ob eyn selicher man czu halten sey yn er sölichn stat czwischn andern [S. 73] master den wir wisn nit anders den es seyn alcze wen wir geschworn master Paul, master Steffan wir habnn geworn das hantwerch pe seyner gerechtigkat czu halten. Geben zv Ofen am matichi noch Martini.

Auf der Rückseite Adresse: Den ersamen vnd weysen fursichtigen mestern czu Klausenwurck der ganczn czech der goltschmit hert di [ß] b/rif.


1) Folgt nicht durchgestrichen.^{^}