Urkunde Nr. 4074 aus Band VII

Seite im UB:

63

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 128.

Druckvorlage:

nach Original

Abdruck als:

Volltext

Sprache:

Latein

---

4074

Segedin 1475 Oktober 26^a) König Matthias fordert Richter und Rat von Bistritz auf, an Propst Dominik von Stuhlweissenburg umgehend die Kriegssteuer abzuführen.

Von der Kanzlei: De commissione propria domini regis.

Mathias dei gratia rex Hungariae, Bohemiae etcetera prudentibus et circumspectis viris iudici et iuratis civibus civitatis nostrae Bistriciensis et suis pertinentiis salutem et gratiam. Misimus ad illas partes Transsilvanas in medium vestri hunc fidelem nostrum venerabilem Dominicum, praepositum ecclesiae Albensis cum informatione plena per nos sibi data pro subsidio, quod ad praesens pro expeditione praesentis exercitus nostri per medium ipsius Dominici praepositi a vobis hac vice expectamus. Ideo fidelitati vestrae harum serie firmissime mandamus, quatenus iuxta informationem ipsius Dominici praepositi subsidium illud, quod nomine nostro a vobis postulaverit, citissime et sine omni mora extradare et persolvere debeatis. Ubi vero in hiis secus facere velletis, quod non credimus, dedimus eidem informationem et plenam facultatem, ut per singulas possessiones nostras et portas vestras prout severius et strictius fieri poterit pecunias in maiori qua fieri poterit copia per omnia gravamina vestra excipere et maiestati nostrae administrari debeat et teneatur. Secus igitur prout gravissimam indignationem nostram evitare cupitis non faciatis. Datum Zegedini in festo beati Demetrii martiris, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero septimo. [S. 64]


a) Ausstellungsort im UB als: Szeged.^{^}