Urkunde Nr. 4073 aus Band VII

Seite im UB:

62-63

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 26 420.

Druckvorlage:

nach Original

Abdruck als:

Volltext

Sprache:

Latein

---

4073

1475 Oktober 25 Der Konvent von Kolozsmonostor bezeugt die Wiedereinführung Michaels, des Sohnes Valentins de Hydweg in den Besitz von Hăghig, die in Anwesenheit u. a. von Vertretern aus Marienburg, Rothbach und Kronstadt erfolgt ist.

Conventus Monasterii beatae Mariae virginis de Colosmonostra¹⁾ omnibus Christi fidelibus tam praesentibus quam futuris praesentium notitiam habituris salutem in salutis largitore. Ad universorum notitiam harum serie volumus pervenire, quod cum nos receptis literis viri²⁾ magnifici domini Blasii Magyar vaivodae Transsilvani ac Siculorum comitis et cetera adiudicatores pariter et sententionales modum et formam eiusdem iudiciariae deliberationis in se exprimentium pro parte Michaelis filii quondam Valentini de Hydweg contra Nicolaum, Ladislaum, Iohannem, Michaelem et Blasium filios condam Symonis Forro de Belen emanatis nobisque loquendi iuxta earundem continentiam amicabilibiis petitionibus eiusdem annuentes ut tenemur unacum Thoma Magno de Banabyk homine eiusdem domini Blasii Magyar vaivodae Transsilvani et cetera de sede sua iudiciaria per ipsum ad id specialiter transmisso³⁾ nostrum hominem videlicet religiosum virum fratrem Georgium, custodem, unum ex nobis ad infrascripta exequenda nostro pro testimonio fidedignum duximus destinandum. Qui tandem exinde ad nos reversi nobis uniformiter retulerunt isto modo: Quod ipsi die dominico proximo post festum undecim millium virginum proxima praeterito⁴⁾ ad faciem dictae possessionis Hydweg vocatae in comitatu Albensi existentis consequenterque portionis possessionariae condam Becze de ipsa [S. 63] Hydweg in eadem habitae vicinis et commetaneis suis puta Andrea de Arapothaka, Petro et Laurentio Myko de Hydweg, Petro similiter Myko de eadem, Georgio filio Petri de Bewlen et Dominico de Wdwarhel nobilibus, item Michaele iudice, altero Michaele similiter iudice, Paulo Klycz et Stephano Engel concivibus de Feldwar necnon Luca iudice, Petro Fever, Iohanne Kadar de Weresmarth et Paulo Kewer concivibus civitatis Brassoviensis praesentibus accessissent, eandem simulcum cunctis suis utilitatibus et pertinentiis quibuslibet quovis nominis vocabulo vocitatis ad ipsam portionem possessionariam ipsius condam Becze de iure spectantem praelibato Michaeli filio dicti condam Valentini de Hydweg cum hiis quibus congruit iure eis incumbentis perpetuo ac in sempiternum tenendas, possidendas et habendas statuissent et commisissent contradictione praelibatorum Nicolai, Ladislai, Iohannis, Michaelis et Blasii ac aliorum quorumlibet non obstante. In cuius rei memoriam firmitatemque perpetuam praesentes literas nostras privilegiales pendenti et autentici⁵⁾ sigilli nostri munimine roboratas duximus concedendas. Datum quarto die diei statutionis praenotatae, anno domini millesimo quadringentesimo septuagesimo quinto.


1) Bis hierher in verlängerter Schrift. ^{^}
2) Über der Zeile. ^{^}
3) Von de sede bis hierher über der Zeile. ^{^}
4) Oktober 22. ^{^}
5) So Vorlage^{^}