Urkunde Nr. 4054 aus Band VII

Seite im UB:

52

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 210.

Druckvorlage:

nach Original

Abdruck als:

Volltext

Sprache:

Latein

---

4054

Ofen 1475 Juni 8 König Matthias verbietet dem siebenbürgischen Woiwoden Blasius Magyar, von den Kronstädter zusätzliche Zahlungen für den Unterhalt von Spähern und Wachen im Hatzeger Land zu fordern, da sie selbst Späher in den rumänischen Fürstentümern und in der Türkei unterhalten müssen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris magnifico Blasio Magyar voivodae partium Transsiluanarum regni nostri et comiti Siculorum eiusque vicevaivodis salutem et gratiam. Querelam pro parte fidelium nostrorum circumspectorum iudicis, iuratorum civium et totius communitatis civitatis nostrae Brassoviensis coram maiestate nostra in eo dispositam graviter et displicenter accepimus, qualiter vos eosdem contra ipsorum antiquam consuetudinem in eo maxime gravaretis, quod dum exploratores, custodes et excubias in districtu Haczak locare et disponere habetis, eosdem per singula capita quemadmodum iobagiones aliorum nobilium ad solutionem quam ipsis exploratoribus et custodibus facere habetis astringeretis et compelleretis. Cum tamen ipsi propriis ipsorum expensis exploratores tam in Wolachia, Moldauia quam etiam in Thurcia semper tenere et habere tenentur, pro quorum exploratorum stipendio a nemine aliquod subsidium habenti. Et quia iniustum nobis et admodum alienum videtur, ut ipsi cives nostri duppliciter et maxime praeter iura et antiquam eorum consuetudinem graventur, fidalitati igitur vestrae harum serie strictissime praecipimus et mandamus aliud nullomodo habere volentes, quatenus deinceps praefatos incolas dictae civitatis nostrae contra ipsorum consuetudinem ad huiusmodi solutionem artare et compellere, aut ipsos occasione huiusmodi non solutionis quovismodo impedire molestare vel dampnificare nullomodo praesumpmatis, sed eosdem ab huiusmodi solutione omnino supportatos habere debeatis, quod quidem mandatum nostrum etiam pro futuros vaivodas et vicevaivodas nostros inviolabiliter observari volumus et mandamus. Secus facere nullomodo audeatis. Praesentibus perlectis exhibenti restitutis. Datum Budae feria quinta proxima ante festum beati Barnabae apostoli, anno domini millesimo quadringentesimo quinto, regnorum nostrorum anno Hungariae et cetera decimo octavo, Bohemiae vero septimo.

Auf der Rückseite von gleichzeitiger Hand: De denariis portarum sumus exempti. [S. 53]