Urkunde Nr. 4049 aus Band VII

Seite im UB:

48-49

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 358.

Druckvorlage:

nach Original

Abdruck als:

Volltext

Sprache:

Latein

---

4049

Ofen 1475 Juni 6 König Matthias teilt Bürgermeister und Rat von Hermannstadt mit, dass ihr Urteil in dem Prozeß zwischen einem Kaufmann der Walachei und einem Klausenburger Kaufmann wegen einer gefälschten Pfefferlieferung entgegen eines von ihm erschlichenen, anders lautenden Befehls aufrecht bleibt.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris magistro civium et iuratis consulibus civitatis nostrae Cibiniensis salutem et gratiam. Intelleximus graviter et admodum displicenter, quod licet vos alias in causa quae inter quendam mercatorem Volachum de partibus Transalpinis regni nostri ab una ac quendam alterum mercatorem in civitate nostra Coloswariensi commorantem ab altera partibus occasione cuisdam summae piperis cum quibusdam granis adulterinis falsificatae coram vobis mota et suscitata exstitisset, iudicium et iustitiam ac iuxta vestram adiudicationem eisdem partibus satisfactionem impendere curassetis idemque mercator de dicta Coloswar de huiusmodi vestro iudicio ac satisfactione contentus extiterit. Tamen cum negotium huiusmodi in rem transivisset iudicatam idem mercator de praefata Coloswar tacita veritate et expressa falsitate quasdam literas nostras vobis praeceptorie loquentes pro sui parte procurasset quarum vigore negotium huismodi inovare et dietum Volachum mercatorem rursus vexare, turbare et damnificare coram vobis niteretur. Et quia nos volumus, ut illud quod semel per vos recto iuris ordine diffinitum, conclusum et adiudicatum est in suo vigore permaneat et ad nullius instantiam infringatur, fidelitati igitur vestrae harum serie strictissime praecipimus et mandamus aliud nullomodo habere volentes, quatenus non obstantibus praefatis literis nostris per praedictum mercatorem de dicta Coloswar in praefata causa nec cui nec alterius instantia amplius procedere praesumatis, quia nos ut praemisimus omnino volumus ut vestrum iudicium si et in quantum aequum est in suo vigore perpetuo permaneat. Secus non facturi. Praesentibus perlectis exhibentibus restitutis. Datum Budae feria tertia proxima ante festum beati[S. 49] Barnabae apostoli, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero septimo.

Auf der Rückseite von der Hand des Christian Pomarius: Literae inter quendam mercatorem et Volachum Transalpinensem ratione piperis.