Urkunde Nr. 4047 aus Band VII

Seite im UB:

47

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 789.

Druckvorlage:

nach Original

Abdruck als:

Volltext

Sprache:

Latein

---

4047

Ofen 1475 Juni 5 König Matthias verleiht der Stadt Bistritz für 10 Jahre die Einkünfte der Salzkammer Weisskirch, die zur Befestigung der Stadt verwendet werden sollen.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fidelibus nostris camarario vel succamarario salium nostrorum in Dees et Zeck habitorum aliis etiam officialibus nostris, quorum interest vel intererit praesentibus et futuris salutem et gratiam. Cum ex ruina civitatis nostrae Bistriciensis multa incommoda nobis et regno nostro evenire possint, structurae et conservationi eiusdem omni remedio intendere debemus. Neminimus dum superiori anno in civitate nostra Bartfensi fuissemus constituti cives nostros Bistricienses nobis supplicasse, ut de taxis et censibus in ipsa civitate nostra Bistriciensi et pertinetiis eiusdem sive ordinarie sive extraordinarie maiestati nostrae provenire debentibus mediantibus aliis literis nostris a die datarum earundem per tres annos continuos ducentos florenos auri pro structura dictae civitatis nostrae dari mandaremus, quod licet libenter fecimus, nil tamen quemadmodum cives ipsi¹⁾ conqueruntur et ab exactoribus huiusmodi censuum et taxarum consequi potuerunt. Unde nobis praefati cives supplicaverunt, ut proventus quosqumque camerae nostrae filialis in oppido nostro Feyereghaz in pertinentiis dictae civitatis nostrae Bistriciensis habitae attento maxime quia civitas ipsa prout inchoata est aliter bono modo perfici non possit ad certum tempus pro structura et munitione dari demanderemus, quod ex nostra regia liberalitate fecimus. Fidelitati igitur vestrae harum serie firmiter praecipiendo mandamus aliud habere nolentes, quatenus praefatos universos proventus dictae camerae nostrae filialis ipsis civibus nostris Bistriciensibus pro structura eiusdem civitatis Bistriciensis a die datarum praesentium usque ad decem annos inclusive dare, assignare et administrare debeatis. Quod si non feceritis committimus vaivodis vel vicevaivodis partium regni nostri Transsilvanamm nunc constitutis et in futurum constituendis praesentium notitiam habituris, ut ipsi vos ad huiusmodi nostra mandata observanda per omnia opportuna remedia arcius compellant et astringant, non obstantibus aliis literis nostris hiis in contrarium datis vel dandis quibuscumque secus ergo sub vestrae gravissimae indignationis poena facere non praesumatis praesentibus perlectis exbibenti restitutis. Datum Budae, feria secunda proxima post octavas beati sacratissimi corporis Christi, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero septimo. [S. 48]


1) Über der Zeile.^{^}