Urkunde Nr. 4044 aus Band VII

Seite im UB:

45

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 189.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4044

Ofen 1475 Juni 3 König Matthias verleiht der Stadt Bistritz das Beche-Haus mit der „terra Chyger".

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos tum consideratis multimodis fidelitatibus et fidelium servitiorum¹⁾ gratuitis meritis fidelium nostrorum prudentium et circumspectorum universorum civium et inhabitatorum civitatis nostrae Bistriciensis per eos primum sacrae huius regni nostras Hungariae coronae et tandem maiestati nostrae sub locorum et temporum varietate constanter exhibitis et impensis, tum etiam pro commodo et utilitate eiusdem civitatis nostrae Bistriciensis quandam dotum seu fundum curiae quondam Beche in eadem civitate nostra sitam, quam alias quondam Michael Zekel de Zenth-Ivan ex donatione nostra tenuisset et possedisset. Sed quae expost per notam infidelitatis eiusdem, quam tunc contra maiestatem nostram incurrisset, pro qua etiam ipse mortis poenas luit, ad collationem nostram devoluta et tandem quondam magnifico Nicolao Chwpor, vaivodae Transilvano, per nos donata extitisset, sed nunc per defectum seminis eiusdem quondam Nicolai Chwpor rursum ad collationem nostram rite et legitime devoluta fore perhibitur, simul cum cunctis suis utilitatibus et pertinentiis quibuslibet puta terra Chyger nuncupata ac aliis terris arabilibus, cultis et incultis, agris, pratis, pascuis, foenetis et silvis ad eundem de iure et ab antiquo spectantibus et pertinere debentibus praemissis sicut praefertur stantibus et se habentibus memoratae civitati nostrae Bistriciensis et per consequens civibus et inhabitatoribus in eadem per tempore commorantibus de manibus nostris regiis dedimus, donavimus et contulimus, imo damus, donamus et conferrimus iure perpetuo et irrevocabiliter tenendum, possidendum pariter et habendum salvo iure alieno harum nostrarum secreto sigillo nos consignatarum vigore et testimonio literarum mediante, quas in formam nostri privilegii redigi faciemus, dum nobis in specie fuerint reportatae. Datum Budae sabbatho proximo post octavas festi sacratissimi corporis Christi, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, coronationis duodecimo, Bohemiae vero septimo.


1) Vorlage: ...torum.^{^}