Urkunde Nr. 4037 aus Band VII

Seite im UB:

40-41

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 305.

Druckvorlage:

nach Original

Abdruck als:

Volltext

Sprache:

Latein

---

4037

Ofen 1475 Mai 21 König Matthias ersucht das Weissenburger Kapitel, bei der Einführung des Adligen Emmerich Forgach de Berekzo in Besitzanteile mehrerer Dörfer der Weissenburger Gespanschaft, darunter Martinsdorf, Pelersdorf, Kleinenyed und Zekeschdorf mitzuwirken.

Mathias dei gratia rex Hungariae, Bohemiae et cetera fidelibus nostris capitulo ecclesiae Albensis Transsilvanae salutem et gratiam. Cum nos ad grata servitia et fidelia obsequia fidelis nostri nobilis Emerici Forgach de Berekzo per eum nobis et sacrae coronae nostrae locis debitis et temporibus opportunis constanter exhibita debitum habentes respectum, nobiles dominas Elizabeth eiusdem Emerici Forgach et Elenam Michaelis Forro de Haporthon consortes filias videlicet quondam Georgii de Thathe in portionibus possessionariis eiusdem quondam Georgii genitoris earundem sine prolibus masculini sexus decedentis in possessionibus Thathe dicta ac Bekenzeg, Ozd¹⁾, Kaczthelke, [S. 41] Makothelke²⁾, Marthonthelke, Petherfalwa, Repafalwa, Kysenyed et Sekes vocatis omnino in comitatu Albensis Transsilvaniae existentibus habitis in veros haeredes masculinos et legithimos successores ipsius Georgii ex certa nostra scientia et animo deliberato ac de mera nostrae regiae potestatis plenitudine duximus praeficiendum et creandum praefatasque portiones possessionarias in quarum pacifico dominio eaedem dominae Elizabeth et Elena post mortem dicti quondam Georgii de Thathe genitoris earundem pacifice perstitissent persisterentque etiam de praesenti. Item totum et omne ius nostrum regium si quod in eisdem portionibus possessionariis etiam alias qualitercumque haberemus aut nostram ex quibuscumque causis, viis, modis et sationibus concernerent maiestatem simulcum cunctis suis utilitatibus et pertinentiis quibuslibet praemissis sic ut praefertur stantibus et se habentes praeallegatis servitiis et fidelibus obsequiis dicti Emerici Forgach promerentibus eidem Emerico Forgach ac annotatis dominabus Elizabeth et Elenae ipsorumque haeredibus et posteritatibus universis vigore aliarum literarum nostrarum donationalium exinde confectarum in perpetuum contulerimus velimusque eosdem in dominium earundem et ipsius iuris nostri regii in eisdem habiti per nostrum et vestrum homines legittime facere introduci.(Folgt die übliche Anweisung zur Einführung in oben genannten Besitz). Datum Budae in festo sanctae et individuae trinitatis, anno domini millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero septimo.

Auf der Rückseite Adresse: Fidelibus nostris capitulo ecclesiae Albensis Transsilvaniae pro nobilibus Emerico Forgach de Berekzo necnon dominabus Elizabeth eiusdem Emerici et Elena Michaelis Forro de Haporthon consortibus, filiabus videlicet condam Georgii de Thate, introductoria et statutoria.


1) Folgt Kaz durchgestrichen.^{^}
2) Über der Zeile.^{^}