Urkunde Nr. 4034 aus Band VII

Seite im UB:

38-39

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Zünfte [Colecţia Bresle] (Inventar 784-786), mittelalterliche Sammlung Nr. 3.

Druckvorlage:

nach Original

Abdruck als:

Volltext

Sprache:

Latein

---

4034

1475 April 7 Richter und Rat von Klausenburg bestätigen die Satzungen der dortigen Schlosser von 1462 Nr. »3277.

Nos Nicolaus¹⁾ Petri Mathiae iudex ac²⁾ universi iurati consules urbis Coluswariensis universorum²⁾ ad notitiam tam praesentium quam futurorum cupimus pervenire, quod cum nobis in consistorio nostri consulatus invicem existentibus solertes viri Blasius, Joseph et Michael seratores atque calcaristae nostri utpote cohospites in suis ac universorum magistrorum artis eiusdem tam praesentium quam futurorum in dicta nostra civitate commorantium seu commoranturis personis, supplicantes nobis debita precum instantia omni etiam cum reverentia uti quemadmodum in aliis civitatibus regalibus totius regni Hungariae et prestantissime harum partium Transsiluanarum ceteri magistri dictae artis, quo iure et consuetudine a dudum usque ad huc se observarunt, similiter et ipsos pro laudabili re publica, verum etiam huius civitatis nostrae pro honore et utilitate unanimiter ac parili voluntate conformaremus velut etiam nostri praedecessores felicis reminiscentiae eos litteris autenticis sigillo videlicet dictae civitatis nostrae per sollicitudinem suorum officiorum ad debitum perduxerant effectum, exhibentes nobis sua privilegia ipsis olim ut fertur in hac parte collata, iam vetustate satis corrosa, petentes nos amplius debito cum honore ut huiusmodi eorum privilegia de [S. 38] verbo ad verbum transsummi atque transscribi faceremus, insuper approbaremus et ratificaremus, ne ipsi magistri eiusdem artis per putrefactionem huiusmodi privilegiorum suorum aut vetustatis corrosione quovismodo iuribus suis laudabilibus et libertatibus in hac parte ipsis attributis frustrari viderentur atque privari, immo ut³⁾ et ipsi magistri ad instar ceterorum magistrorum in aliis civitatibus regalibus commorantium se laudabiliter tenere valeant atque possint. Quorum privilegiorum tenor sequitur in haec verba:(Folgt die Urkunde des Rats von Klausenburg von 1462 Nr. »3277). Nos itaque antefati⁴⁾ iudex et iurati consules civitatis praedictae debilis petitionibus saepedictorum magistrorum benigniter inclinati, litteras praespecificatas dictae civitatis nostrae pridem ut fertur autentice confectas et ipsis magistris collatas atque concessas laudiamus, approbamus et ratificamus ac singulas constitutiones in eisdem litteris aritculatim insertas eius⁵⁾<fnz>futuris temporibus permanere et observare mandamus. In cuius rei memoriam et firmitatem perpetuam praesentes litteras nostras transsumtionales et confirmatoriales sigilli nostri civilis maioris et autentici sub appensione roboratas saepefatis magistris eorumque successoribus duximus benigniter concedendas. Datum feria sexta proxima post festum beati Ambrosii episcopi, anno domini M^oCCCC^o LXX^o quinto.

Unten rechts: Johannes Dobo, notarius.

<fnzt>1) Verlängerte Zierschrift</fnzt> <fnzt>2) Initiale in verlängerter Zierschrift. [2x]</fnzt> <fnzt>3) Über der Zeile.</fnzt> <fnzt>4) Von Nos verlängerte Schrift.</fnzt> <fnzt>5) Vorlage euis.</fnzt>