Urkunde Nr. 4033 aus Band VII

Seite im UB:

37-38

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 536.

Druckvorlage:

nach Original

Abdruck als:

Volltext

Sprache:

Latein

---

4033

Brünn 1475 März 30 König Matthias trägt dem Hermannstädter Bürger Paul Horvath auf, für das Bad und seine Häuser in der Stadt alle darauf entfallenden Lasten und Steuern zu tragen.

[S. 38] Von der Kanzlei: Commissio propria domini regis.

Mathias dei gratia rex Hungariae, Bohemiae et cetera fideli nostro circumspecto Paulo Horvath, civi civitatis nostrae Cibiniensis, salutem et gratiam. Ex querela fideli um nostrorum magistri civium et consulum dictae civitatis Cibiniensis intelleximus, quomodo tu vigore quarundam literarum nostrarum exemptionalium utilitates et lucra, quae ut dicti cives nostri nobis asserunt tam a quodam balneo, quam etiam a certis domibus quotidie suscipis, nihili faciendo communia onera et contributiones, cum eadem civitate sustinere minime curasses et nec curares etiam de praesenti in displicentiam et gravamum dictorum civium nostrorum non mediocre. Et cum non videatur nobis, ut¹⁾ quisquam exemptus habeatur ab huiusmodi onere communi cuiuscumque civitatis, qui in dies in eadem lucra et utilitates suscipere intendit, mandamus fidelitati tuae harum serie firmiter aliud nullo modo habere volentes, quatenus non obstantibus dictis nostris exemptionibus, si in ipsa civitate diutius morari volueris, iuribusque eiusdem instar aliorum civium frui et gaudere omnia communia onera et singulas quasque contributiones cum dictis civibus nostris sustinere et pati omnio debeas et tenearis, nec secus facere audeas. Praesentibus perlectis exhibenti restitutis. Datum Brunnae feria quinta proxima post festum ressurectionis domini anno eiusdem millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero sexto.

Auf der Rückseite gleichzeitig: Contra Paulum Horvath, quod singulos census solutione teneatur.


1) Über der Zeile. ^{^}