Urkunde Nr. 4031 aus Band VII

Seite im UB:

35-36

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

4031

Brünn 1475 März 22 König Matthias fordert den Rat von Bistritz auf, zum bevorstehenden Reichstag in Ofen zwei Vertreter zu delegieren.

Von der Kanzlei: Comissio propria domini regis.

Mathias dei gratia rex Hungariae, Bohemiae et cetera fidelibus nostris prudentibus et circumspectis iudici iuratisque et ceteris civibus civitatis nostrae Bistriciensis ac eiusdem pertinentiis salutem et gratiam. Quia nos iam tandem, post innumeros labores nostros finem fecimus cum isto gravissimo bello Bohemico, quod consilio et voluntate illorum qui protunc in nobis consiliis et dispositionibus potentes erant licet inviti ac etiam ex [S. 36] requisitione caesaris cui ex mutuis inscriptionibus subvenire tenebamur necnon mandato sedis apostolicae usque ad istum diem subivimus et portavimus ipsumque bellum a quo si cum honore et sine totius regni nostri periculo facere potuissemus, diu ante libenter liberati fuissemus per interpositionem longarum treugarum terminavimus ac etiam, ut speramus, perpetua pace in brevi totaliter de ipso liberabimur, decrevimus iuxta regni nostri desiderium et nostram magnam quam habuimus affectionem semqer contra naturales hostes nostros et regni nostri impiissimos Turcos insurgere et deo auxiliante taliter nos regnum nostrum contra ipsos Turcos vindicare quod non gaudebunt se nobis hactenus ulla damna intulisse accepimus. Praeterea non sine magna animi nostri displicentia in absentia nostra multas et varias oppressiones et violentias ac etiam homicidia plurium nobilium tam per officiales nostros quam alios temerarios homines quibus iustitia et timor nullae curae fuit esse perpetrata quodque multa essent ad iustum et tranquillum statum et debitum regimen ipsius regni reformanda. Ea propter volentes prout ex suscepto regalis solii regimine tenemur omnibus et singulis huiusmodi defectibus quantum possumus providere, generalem dictam super die sancti Georgii proxime venturo¹⁾ in civitate nostra Budensi indiximus celebrandam ad quam hortamur et serie praesentium stricte committimus secusque ut nullomodo facere audeatis gratiae nostrae sub obtentu praecipimus, quatenus duos ex vobis eligere et ad ipsam dietam mittere debeatis. Speramus enim quod cum consilio et auxilio vestro ac praelatorum, baronum nobiliumque et omnium aliorum, qui in ipsa dieta aderunt, circa praefata omnia et singulas quasque tam regni ipsius quam singulorum personarum necessitates ita providebimus, ut decetero omnia in bono et tranquillo statu sint perseveratura innocentia tuta consistat et in iustitia debilis penis puniatur nosque de ipsius regni nostri optatis incrementis gaudeamus. Datum Brunnae feria quarta proxima ante festum ressurectionis domini, anno eiusdem millesimo quadringentesimo septuagesimo quinto, regnorum nostrorum anno Hungariae et cetera decimo octavo, Bohemiae vero sexto.


1) April 24.^{^}