Urkunde Nr. 4029 aus Band VII

Seite im UB:

33-35

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 60.

Druckvorlage:

nach Original

Abdruck als:

Volltext

Sprache:

Latein

---

4029

Rom 1475 März 20 Papst Sixtus IV. verleiht der Marienkirche in Kronstadt einen Ablaß.

Sixtus¹⁾ episcopus servus servorum dei universis Christi fidelibus praesentes litteras inspecturis salutem et apostolicam benedictionem. Virgini gloriosae et si nequeamus debitas condignasque reimpendere gratiarum actiones cum ad eius magnitudinem meritorum vox humana non pertingat, nec etiam angelica suis ineffabilibus meritis equalia laudum referre preconia sufficiat, cupimus tamen eandem reginam coeli super choros angelorum exaltatam quae unigenitum dei filium salvatorum nostrum dominum Jesum Christum concepit, in utero baiulavit atque peperit omni amplitudine et integritate devotionis venerari atque ad ipsius iugem reverentiam praesertim locis suae commemorationi dedicatis tanto frequentius et ferventius Christi fideles incitare, quando se noverint uberioris spei munimine copiosiorisque gratiae praerogativa communitos. Cum itaque sicut accepimus in diocesi Strigoniensi sit quoddam insigne et notabile oppidum Corona alias Brascho nuncupatum, quod temporali ditioni carissimi in Christo filii nostri Mathiae Vngariae regis illustris subditum, ac in confinibus christianitatis et in metis infidelium terrae Valachiae situatum est, in quo quidem opido tam Valachorum, Armenorum, Bulgarorum et Grecorum, quam aliorum infidelium copia una cum ipsis christianis in ipso oppido degentibus morari solet,quorum nonnulli plerumque prout saepius contingit, gratia divina inspi- [S. 33] rati ad baptismi gratiam ac fidem catholicam a veteri sorde et macula lavari cupientex concurrunt; fuerit, quod dictum oppidum saepenumero etiam ab ipsis saevissimis Turchis crucis Christi inimicis totaliter combustum, desolatum et annichilatum omnibusque fere bonis temporalibus spoliatum ac sit etiam in eodem oppido quaedam parochialis ecclesia in honorem et sub vocabulo beatae Mariae virginis opere magnifico et non modicum sumptuoso de lapidibus quadratis construi incepta, quae sine magno Christi fidelium suffragio nullatenus valet perfici, nec libris, clenodiis calicibus et paramentis, quibus etiam aliquando per dictos infideles spoliata extitit condigne fulciri et ornari. Nos cupientes ut ecclesia ipsa in huiusmodi suis structuris et aedificiis debite perficiatur, conservetur et manuteneatur ac libris clinodiis, calicibus et paramentis ornetur et fulciatur et Christi fideles ipsi eo libentius devotionis causa ad ipsam ecclesiam confluant et ad illius conservationem, constructionem reperationem et manutentionem ornament um et fulcimentum manus liberalius porrigant, adiutrices quo ex hoc ibidem dono coelestis gratiae uberius conspexerint se refertos de omnipotentis dei misericordia et beatorum Petri et Pauli apostolorum eius auctoritate confisi omnibus vere poenitentibus et confessis utriusque sexus Christi fidelibus undecumque venientibus qui ecclesiam ipsam in festo visitationis eiusdem beatae Mariae virginis et duobus praecedentibus ac duobus aliis festivitatem ipsam immediate sequentibus diebus devote visitaverint annuatim et ad eius constructionem, reperationem manutentionem ornamentum et fulcimentum huiusmodi manus porrexerint adiutrices quotiens et pro singulis vicibus quibus id fecerint septem annos et totidem quadragenas de iniunctis eis poenitentiis misericorditer in domino relaxamus, et nichilominus ut ipsi fideles ad ecclesiam ipsam confluentes conscientie pacem et animarum salutem deo propitio consequantur necnon indulgentiae huinsmodi facilius participes esse valeant benignius agere volentes dilecto filio Johanni Rewdel²⁾ moderno et successoribus suis dictae ecclesiae plebanis pro tempore existentibus quindecim confessores idoneos saeculares vel regulares qui eorundem fidelium ad ecclesiam praedictam causam indulgentiae huiusmodi consequende diebus praedictis aut altero eorum confluentium confessiones audire eisque diligenter auditis pro commissis per eos excessibus et peccatis etiam in singulis casibus episcopalibus debitam absolutionem eadem auctoritate in forma ecclesiae consueta impendere et poenitentiam salutarem iniungere valeant deputandi plenam et liberam concedimus auctoritate praesentium facultatem, praesentibus perpetuis futuris temporibus valituris. Volumus autem quod si alias ecclesiam ipsam visitantibus et ad constructionem reperationem manutentionem, ornamentum et fulcimentum huiusmodi manus adiutrices porrigentibus aut inibi pias elemosinas erogantibus seu alias aliqua alia indulgentia imperpetuum vel ad certum tempus nondum elapsum duratura per nos concessa fuerit praesentes literae nullius existant roboris vel momenti. Datum Romae apud sanctum Petrum anno incarnationis dominice millesimo quadringentesimo septuagesimo quarto, tertio decimo Kalendas Aprilis, pontificatus nostri anno quarto. [S. 34]

Unter dem Text links: Lxx P. de Spinonis.

Am linken Rand der Urkunde: Mar.

Am unteren inneren Rand der Plica: Spa Lx da attentis qualitatibus et loci finitimis.

Rechts unten beim Bug der Plica: L. Grifus.

Auf der Plica rechts: Smolfus, Initiale verziert.

Auf der Rückseite in der Mitte in verlängerter Zierschrift: R(egestra)ta apud me L. Grifum.

Auf der Rückseite am oberen Rand in gleichzeitiger Schrift: Perpetuo valitura indulgentia septem annorum et totidem quadragenarum³⁾ in uno festo cum duobus praecedentibus et totidem sequentibus diebus pro ecclesia parochiali Strigoniensis diocesis Turchis vicina cum deputatam confessoris in casibus spiritualibus etc.


1) In verlängerter Schrift.^{^}
2) e über w. ^{^}
3) Vorlage x1-narum.^{^}