Urkunde Nr. 4014 aus Band VII

Seite im UB:

24

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 228), Nr. 139 - Abt. 12: K. A. Großschenk [Parohia Ev. CA Cincu], Nr. 1.

Druckvorlage:

nach Original

Abdruck als:

Volltext

Sprache:

Latein

---

4014

Olmütz 1474 August 11 König Matthias gestaltet dem Marktort Schenk, in Kriegszeiten die Hälfte seines pflichtmässigen Aufgebotes zur Verteidigung der eigenen Burg zurückzuhalten.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos tum ad nonnullorum fidelium nostrorum humillimae supplicationis instantiam nostrae propterea porrectae maiestati, tum defensioni et conservationi fidelium nostrorum Saxonum in oppido nostro Senk vocato commorantium consulere volentes, id eisdem annuimus et concessimus, ut dum generalis exercitus contra quoscumque aemulos nostros et regni nostri instauretur, ipsi quae per singula capita instar aliorum regnicolarum nostrarum more exercituantium insurgere deberent, extunc media pars eiusdem oppidi pro tuitione et defensione castri seu cimiterii ipsorum remanere possit et valeat, immo annuimus et concedimus per praesentes. Quocirca vobis fidelibus nostris magnificis vaivodis vel vicevaivodis ipsorumque capitaneis, levatoribus et sollicitatoribus, item circumspectis magistris civium, iudicibus et iuratis senioribus septem sedium Saxonicalium partium Transsilvanarum regni nostri praesentibus et futuris praesentium notitiam habituris harum serie firmiter praecipiendo committimus et mandamus, aliud habere nolentes, quatenus praefatos incolas dicti oppidi Senk contra formam huiusmodi gratiose nostrae annuentiae et concessionis ad ingrediendum quemcumque exercitum nostrum, quoad mediam partem ipsorum ut praefertur artare et compellere, aut eosdem ratione non ingressionis huiusmodi impedire, molestare aut quovismodo dampnificare nullatenus praesumatis nec sitis ausi modo aliquali, gratiae nostrae sub obtentu. Praesentibus perlectis exhibenti restitutis. Datum in civitate nostra Olomucensi feria quinta proxima post festum beati Laurentii martyris, anno domini millesimo quadringentesimo septuagesimo quarto, regnorum nostrorum anno Hungariae et cetera decimo septimo, Bohemiae vero sexto. [S. 25]