Urkunde Nr. 4010 aus Band VII

Seite im UB:

21-22

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 213 - Abt. 13: K. A. Mediasch [Parohia Ev. CA Mediaş], Nr. 24 (alt Nr. 46).

Druckvorlage:

nach Original

Abdruck als:

Volltext

Sprache:

Latein

---

4010

Ofen 1474 Juli 27 König Matthias befiehlt dem siebenbürgischen Adel, den Sachsen der Zwei Stühle den Schaden, der ihnen mit seinen Schafherden zugefügt wurde, wieder gutzumachen, und trägt dem siebenbürgischen Woiwoden Blasius Magyar auf, sich dafür einzusetzen.

Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris universis et singulis nobilibus et alterius cuiquis status et conditionis hominibus in partibus nostris Transilvanis ubilibet constitutis et existentibus praesentes visuris salutem et gratiam. Expositum est nostrae maiestati in personis fidelium nostrorum universorum Saxonum nostrorum in duabus sedibus Saxonicalibus nostris Selk et Megyes commorantium gratiam sub querela. Quomodo nonulli forent ex vobis Volahos habentos, quorum Volahy cum ovium suarum gregibus in eorundem exponentium territoriis sub colore depascendi oves hincinde duragando, quam plura malorum genera videlicet furta, spolia, rapinas et certas depraedationes et dampna ac incendia committere assueti essent. Et dum ipsi Volahi per eosdem exponentes vel eorum homines et teritoriis ipsorum cum suis ovium gregibus exire [S. 22] cogerentur vel a dampnis inferendis inhiberentur, aut iuxta consuetudinem patriae pro dampnis illatis ab eisdem vagia exigerent condigna. Tunc ipsi Volahi nedum a dampnis inferendis ac rapinis committendis cessarent immo adhuc homines eorundem exponentium morte domosque ac villas et habitacula ipsorum combustione minarentur. Per hac praefatis exponentibus nonnulla dampna et nocumenta intulissent et nec desisterent committere etiam ad praesens. Vos vero tales vestros Volahos a praemissis committendis cohibere et compescere minime curratis in maximnm praeiudicium eorundem exponentium atque dampnum manifestum. Quare in personis ipsorum exponentium supplicatum est per nostram maiestatem super praemissis eisdem opportune provideri etiam nos talismodi indebitas vexationes dampnaque et nocumentorum quem ut dicit eisdem exponentibus illata per quempiam indebite committi, commissasque et illata impune non velimus pertransire. Idcirco cuiuslibet vestrum fidelitati harum serie firmissime committimus et mandamus taliter per omnia habere volentes, quatenus receptis praesentibus habita prius super praemissis ab omnibus quibus opportunum fuerit diligenti inquisitione ex parte talium vestrorum Volahorum iuxta condignas comprobationes praefatorum exponentium ac evidentia documenta super praemissis omnibus plenariam satisfactionem impendere et eosdem a praemissis malis inferendis taliter cohercere debeatis, ut ipsi exponentes ab eorum vexationibus pacifice valeant permanere. Alioquin commisimus et serie praesentium strictius committimus fideli nostro magnifico Blasio Magyar waywodae nostro Transsilvano suisque vicesgerentibus, ut ipsi experta super praemissis inquisitione diligenti vestrum quemlicet ad praemissa nostra mandata exequenda cum vestris dampnis et gravaminibus in talibus fieri solitis artare et compellere teneantur, nostrae maiestatis in persona et auctoritate praesentibus eisdem in hac parte attributa et iustitia mediante. Secus igitur facere nequaquam praesumatis. Praesentibus perlectis exhibenti restitutis. Datum Budae feria quarta proxima post festum beatae Annae matris1)</fnzt> Mariae<fnz>2)</fnz>, anno domini millesimo quadringentesimo septuagesimo quarto, regni nostri anno decimo septimo, coronationis vero undecimo.

<fnzt>1) Über der Zeile.</fnzt> <fnzt>2) Auf Rasur.</fnzt>