Urkunde Nr. 4008 aus Band VII

Seite im UB:

20-21

Heute in:

Kronstadt, Archiv der Honterusgemeinde

Heutige Signatur:

IV F 1 (Sammlung Trausch) Tq (Manuskripte in Quart) 80 (Diplomatarium Transilvanico-Saxonicum) Vol. III, Text Nr. 568.

Druckvorlage:

nach Abschrift

Abdruck als:

Volltext

Sprache:

Latein

---

4008

Ofen 1474 Juli 22 König Matthias verbietet den Sieben Stühlen, die Zwei Stühle mehr als es ihrer Bevölkerungszahl entspricht zur Steuerzahlung heranzuziehen.

Matthias dei gratia rex Hungariae, Bohemiae etcetera fidelibus prudentibus nostris et circumspectis viris universis et singulis septem sedium Saxonicalium Saxonibus salutem et gratiam. Exponitur nobis in personis fidelium nostrorum universorum Saxonum in duabus sedibus Saxonicalibus constitutorum et commorantium per modum gravis querelae, quod cum per maiestatem nostram a vobis pariter tam ipsis exponentibus aliquae taxae extraordinariae peterentur, tunc vos solutionen ipsius taxae ad ipsos exponentes, non secundum numerum populorum imponeretis, sed ipsos iuxta placitum vestrum longe ad maiorem solutionem, quam facere deberent, arctaretis et compelleretis in praeiudicium ipsorum atque dammum. Unde supplicatum est nobis in personis eorundem circa praemissa remedium adhiberemus opportunum. Et quia volumus, ut ipsi exponentes per [S. 21] vos ad solutionem huiusmodi taxarum non aliter, nisi secundum numerum populorum astringantur, fidelitati igitur vestrae harum serie firmiter praecipientes mandamus, aliud habere nolentes, quatenus a modo deinceps de praefatis Saxonibus nostris in praefatis duobus sedibus constitutis et commorantibus exactionem huiusmodi taxarum extraordinariarum per maiestatem nostram vobis communiter imponendarum, ultra numerum populorum quovis modo petere vel exigere non praesumatis, nec sitis ausi modo aliquali gratiae nostrae sub obtentu. Ubi autem vos in praemissis aliud facere velletis, extunc volumus, ut homines et officiales nostri, impositores scilicet taxarum huiusmodi vos ad praemissa observanda etiam per gravamina vestra arctius compellant auctoritate nostra praesentibus in hac parte attributa et iustitia mediante. Praesentibus perlectis exhibenti restitutis. Datum Budae in festo beatae Mariae Magdalenae, anno domini 1474, regnorum nostrorum anno Hungariae decimo septimo, Bohemiae vero sexto.
L(ecta)