Urkunde Nr. 4000 aus Band VII

Seite im UB:

14-16

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. M 23.

Druckvorlage:

nach Original

Abdruck als:

Volltext

Sprache:

Latein

---

4000

Ofen 1474 Mai 12 König Matthias befiehlt den Grossen des ungarischen Reiches, sich in den Streit zwischen der Stadt Klausenburg und der Abtei Kolozsmonostor um einen Ackerteil nicht einzumischen, da er ihn gelegentlich selber an Ort und Stelle entscheiden werde.

Von der Kanzlei: Commissio propria domini regis.

Nos Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod fideles nostri Ambrosius literatus iudex ac Johannes Zegen iuratus civis civitatis nostrae Klwswariersis personaliter in ipsorum ac aliorum universorum civium et inhabitatorum eiusdem civitatis nostrae nomnibus et in personis nostrae maiestatis accedentes in conspectum gravi cum querela significari curaverunt in hunc modum. Quod cum hiis proxime retroactis temporibus religiosus frater Petrus abbas et conventus ecclesiae de Kolosmonostra praetextu quarundam particularum terrarum arabilium eidem civitati nostrae Koloswar annexarum semperque et ab antiquo tempore, quod memoria hominum comprehendere nequit, ad eandem civitatem nostram spectantium, in praesentia magnifici Blasii Magyar vaivodae partium nostrarum Transsiluanarum extra consuetudinem ac contra libertatem dictae civitatis nostrae aliarumque liberarum civitatum nostrarum in causam convenissent. Tunc licet nos mediantibus aliis literis nostris superinde confectis praefato Blasio Magyar vaivodae ac magistris prothonotariis Transsiluanensibus in eo mandaverimus, ut se in praefatam causam dictorum exponentium contra consuetudinem et libertatem dictae civitatis nostrae ingerere et eandem tractare et adiudicare nullomodo praesumerent. Tamen ipse Blasius Magyar vaivoda ac magistri prothonotarii et coassessores iudiciorum Transsiluanensium huiusmodi literis et mandatis nostris minime curatis in eadem causa procedentes et certos terminos complentes ipsis exponentibus vigore praefatarum literarum nostrarum contradicentibus ad simplicem tandummodo responsionem cuiusdam Georgii Kathona inhabilatoris eiusdem civitatis nostrae per eosdem exponentes [S. 15] in prosequendis dictis causis, eorum in facto praefatarum terrarum arabilium procuratoris minime constituti contra praefatas literas et mandata nostra praefatas terras arabiles memoratis Petro abbati et conventui de Kolosmonostra adiudicassent et restatui debere commisissent in nostrae maiestatis civitatisque nostrae antedictae iuris praeiudicium valde ingens. Cum tamen ipsi exponentes super dictis terris arabilibus efficacissima iura literasque haberent metales, quibus mediantibus ipsas terras iuri ipsorum et civitati nostrae iamfatae facillime possent pertinere comprobare. Quare responsionem memorati Georgii Kathona si quam in praesentia dicti Blasii vaivodae sine scitu et voluntate dictorum exponentium facto in praemisso fecit cum eo gravamine, quod regni dictaret consuetudo, revocarent prout revocarunt nostri in praesentia ac in praefata causa sicuti et quemadmodum liberarum civitatum nostrarum et etiam eorundem exponentium consuetudo atque libertas requirit, nullibi quam coram nostra propria persona, dum nos ad hoc intendere possumus omnibus causantibus respondere vellent atque parati essent supplicantes nobis, ut nos ipsi circa praemissa de remedio provide dignaremur opportuno. Unde nos, qui nunc aliis et maioribus regni nostri negotiis taliter praepediti sumus ut discussioni praefatae causae super distinctione divisioneque et reambulatione metarum partium praescriptarum ut praemittitur motae super intendere non valemus eo praesertim, cum intelligamus ipsam causam illius meriti fore, ut eadem per nos alias quam in Transsiluania revidendo prius situm et adiacentiam dictarum metarum diffiniri, discuti et adiudicari bono ordine possit. Igitur sicuti eandem civitatem nostram ita etiam praefatam ecclesiam ac abbatem et conventum in ipsorum iustis iuribus de facili opprimi et damnum pati nolentes, non obstante praemissa adiudicatione dicti Blasii Magyar vaivodae contra literas et mandata nostra, ut praefertur facta, praefatam causam super praemisso negotio partes inter praedictas motam et vertentem in eodem statu in quo nunc existit simulcum praefata adiudicatione ipsius Blasii Magyar vaivodae ac revocatione responsionis dicti Georgii Kathona, si quam ut praefertur sine scitu et voluntate dictorum exponentium fecerit, per nos de novo revidendo, discutiendo et determinando ad adventum nostrae maiestatis primitus post harum emanationem in ipsas partes Transsiluanas et consequenter in dictam civitatem nostram Klwswariensem auctoritate nostra regia duximus prorogandum atque differendum, immo prorogamus et differimus praesentium per vigorem committentes, ut ipsae partes universa iura literasque et literalia instrumenta, quas et quae in facto dictarum terrarum contentiosarum pro ipsorum parte habent confectas et emanata, coram maiestate nostra producere et exhibere debeant et teneantur, ut hiis visis inter partes ipsas iudicium et iustitiam facere valeamus, decernentesque ut medio tempore infra divisionem causae praesentis quaeque partium praedictarum in dominio particulae vel particularum terrarum contentiosarum praescriptarum, in quarum videlicet dominio usque ad haec tempora extitisset, pacifice permanentes eandemque uti valeat atque possit. Quocirca vobis fidelibus nostris reverendissimis in Christo patribus dominis Johanni Strigoniensi ac Gabrieli Colocensi et Bachiensi ecclesiarum archiepiscopis necnon venerabili Ladislao praeposito Budensi personalis praesentiae nostrae locumtenens, item magnificis palatino et iudici curiae nostrae necnon vaivodis et vicevaivodis dictarum partium Transsiluanarum vestrasque in iudicatu vices gerentibus cunctis etiam aliis regni nostri iudicibus et iustitiariis ecclesiasticis videlicet et saecularibus harum serie firmiter praecipiendo mandamus, quatenus habita praesentium notitia vos de praefata causa partium praedictarum intromittere vel eandem quoquomodo tractare [S. 16] et adiudicare nullomodo praesumatis, sed eandem simulcum tota sua serie per proprium personam nostram, dum in Transsiluaniam ut praefertur primitus venerimus, discutiendum et determinandum sine omni gravamine et onere partium praescriptarum prorogare et relinquere debeatis. Aliud nullomodo facturi; praesentibus perlectis exhibenti restitutis. Datum Budae feria quinta proxima post festum apparitionis beati Michaelis archangeli, anno domini millesimo quadringentesimo septuagesimo quarto, regnorum nostrorum anno Hungariae et cetera decimo septimo, Bohemiae vero sexto.