Urkunde Nr. 3991 aus Band VII

Seite im UB:

10-11

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 353.

Druckvorlage:

nach Original

Abdruck als:

Volltext

Sprache:

Latein

---

3991

Leutschau 1474 März 12 König Matthias fordert zur Wiederbesiedlung der in den letzten Wirren verödeten Stadt [Wissegrad /] Plintenburg hundert Sachsen aus dem Gebiet der Sieben und Zwei Stühle samt Familien an.

Von der Kanzlei: Commissio propria domini regis.

Nos¹⁾ Mathias dei gratia rex Hungariae, Bohemiae et cetera memoriae commendamus tenore praesentium significantes quibus expedit universis, quod nos volentes civitatem nostram Wyssegradiensem superioribus turbationum temporibus ab extremam penitus desolationem redactam populorum multitudine et aedificiorum instauratione decorare, et praecipue ut locus ille egregius, qui maiestati nostrae gratissimus est, bonis habitatoribus incolatur vigoremque suum pristinum civitas illa optimorum civium industria resummat, centrum iobagionalis conditionis Saxonibus, qui videlicet de partibus regni nostri Transsiluanis e medio fidelium nostrorum Saxonum septem et duarum sedium, ad praefatam civitatem Wyssegradiensem unanimi consensu et voluntate pari in praefato numero se conferre voluerint moraturos et una cum coniugibus, liberis et familia domestica ad dictam civitatem nostram habitaturi advenerint, talem libertatis praerogativam duximus concedendam, et concedimus per praesentes, ut ipsi post descensum eorum in praefata civitate nostra Wyssegradiensi, nullum censum neque taxam seu contributionem sive ordinariam sive extraordinariam maiestati nostrae vel successoribus nostris praeter annualem quadraginta florenos auri solutionem solvere teneantur, ita videlicet, ut medietatem illius summae, hoc est viginti florenos praenotati centum Saxones pro communi et definito ipsorum censu circa festum sancti Georgii et aliam medietatem, hoc est residuos viginti florenos similiter circa festum sancti Martini quolibet anno solvere teneantur. Ab aliis vero solutionibus, taxae, collectae et contributionis qualiscumque penitus et in toto exempti sint et supportati. Hoc etiam ex speciali gratia nostra illis adiecto ut per universum regnum nostrum Hungariae ab omni solutione tributorum et theloneorum in perpetuum, tricesimae vero infra decem annos liberi exonerati ac supporati habeantur. Insuper memoratis centum Saxonibus postquam civitatem nostram praenotatam moraturi advenerit, neglectasque et derelictas domos instauraturi descenderint, universas et quaslibet terras arabiles, agros, prata, pascua, feneta, virgulta, silvas et nemora una cum montibus et promontoriis et generaliter quarumlibet utilitatum et pertinentiarum [S. 11] integritatibus quocumque nomine vocitatis, quae videlicet ad prafatam civitatem nostram Wyssegradiensem de iure et ab antiquo pertinuerunt, demptis dumtaxat duabus terrarum particulis, quas duobus incolis de novo in eam civitatem nostram ad habitandum ingressis iam de facto contulimus, dabimus, donabimus et conferemus, deputabimuque et committemus in perpetuum habendas, tenendas, colendas et possidendas harum nostrarum quas secreto sigillo nostro impendenti communiri fecimus vigore et testimonio literarum mediante. Datis Lewcowiae in festo beati Gregorii papae, anno domini millesimo quadringentesimo septuagesimo quarto, regnorum nostrorum Hungariae et cetera anno decimo septimo, Bohemiae vero quinto.

Auf der Rückseite unten von gleichzeitiger Hand: Litera, qui Vysshergrad moraturi petere voluerint Mathiae regis.


1) Über dem Zierbuchstaben N mit gleicher Tinte Jesus Maria.^{^}