Urkunde Nr. 3989 aus Band VII

Seite im UB:

8

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 124.

Druckvorlage:

nach Original

Abdruck als:

Volltext

Sprache:

Latein

---

3989

Bartfeld 1474 März 1 König Matthias versichert Rat und Bürgerschaft von Bistritz, daß er ihre Stadt nie von der heiligen Krone trennen werde.

Von der Kanzlei: De commissione propria domini regis.

Mathias¹⁾ dei gratia rex Hungariae, Bohemiae et cetera fidelibus nostris prudentibus et circumspectis iudici et iuratis ceterisque²⁾ civibus²⁾ et²⁾ incolis²⁾ ac²⁾ toticommunitati²⁾ civitatis nostrae Bistriciensis salutem et gratiam. Ex relatibus concivium vestrorum intelleximus, animum vestrum his diebus novis²⁾simis gravi terrore perculsum, quod publice rumore ad vos deferente persuasum vobis extitisset, nos eam civitatem nostram Bistriciensem a iurisdictione nostra et sacrae coronae huius regni nostri ad nonnullorum petitonem alienare voluisse eamque nonnullis servitoribus nostris in perpetuum conferre velle vel iam de facto contulisse, Super que rumore multum etiam demirati sumus ob eam praecipue causam, quod nunquam, fuit intentionis nostrae, quod bona coronae quae praeter regem Hungariae neminem concernunt, cuiquam conferemus vel ad aliquorum persuasionern diminueremus, iurisdictionem coronae nostrae et signanter eam civitatem Bistriciensem, quam non modo a sacra regni nostri corona unquam alienare noluimus, sed praecipuam necessario tempore maiestatis nostrae columnam³⁾ merito reputavimus et reputamus etiam de praesenti. Qua propter certificamus in hac parte fidelitatem vestram vobisque nihilominus in verbo nostro regio promittimus, quod quantumcumque dei benignitas vitam nostram produxerit, nunquam dictam civitatem nostram Bistriciensem et vos alienabimus a sacra corona regni nostri et etiam a iurisdictione maiestatis nostrae, neque etiam quovis pacto segregari vel avelli patiemur. Et ut vobis super his omnibus procul absit cunctatio, talem vobis facultatem duximus concedendam et concedimus per praesentes, ut dum et quando nos vel successores nostros reges Hungariae dictam civitatem nostram Bistriciensem cuipiam conferre contingeret, contra illum, qui eam a nobis vel successoribus nostris impetrasset, extra omne crimen infidelitatis insurgere et ei iuxta vires vestras resistere possitis et valeatis. In cuius rei memoriam firmitatemque perpetuam praesentes literas nostras sigilli nostri annularis appensione communitas vobis duximus concedendas. Datum in civitate nostra Barthfa feria tertia proxima post dominicam Invocavit, anno domini millesimo quadringentesimo septuagesimo quarto, regnorum nostrorum Hungariae et cetera anno septimo decimo, Bohemiae vero quinto.

Auf der Plica rechts unten: Lecta. [S. 9]


1) Darüber INC MARIA. ^{^}
2) Auf Rasur. [7x]^{^}
3) Vorlage: columpnam.^{^}