Urkunde Nr. 3987 aus Band VII

Seite im UB:

6-7

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 705.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3987

Bartfeld 1474 Februar 28 König Matthias ersucht den Konvent von Kolozsmonostor, bei der Einführung der Stadt Bistritz in den Besitz des Beche-Hauses und der „terra Chiger" mitzuwirken.

Mathias dei gratia rex Hungariae, Bohemiae et cetera fidelibus nostris conventui ecclesiae de Kolosmonostra salutem et gratiam. Cum nos tum consideratis multimodis fidelitatibus et fidelium servitiorum gratuistis meritis [S. 7] fidelium nostrorum prudentum et circumspectorum universorum civium et inhabitatorum civitatis nostrae Bistriciensis per eos primum sacrae huius regni nostri Hungariae coronae et tandem maiestati nostrae sub locorum et temporum vanitate constanter exhibitis et impensis, tum etiam pro commodo et utilitate eiusdem civitatis nostrae Bisiriciensis quandam domum seu fundum curiae quondam Beche in eadem civitate nostra sitam, quam alias quondam Michael Szekely de Szent-Ivan ex donatione nostra tenuisset et possedisset sed quae ex post per notam infidelitatis eiusdem, quam tunc contra maiestatem nostram incurrisset, pro qua etiam ipse mortis poenas luit ad collationem nostram devoluta et tandem quondam magnifico Nicolao Chupor vaivodae Transsilvanensi per nos donata extitisset, sed nunc per defectum seminis eiusdem quondam Nicolai Chupor rursum ad collationem nostram rite et legitime devoluta fore perhibetur, simul cum terra Chyger ac cunctis aliis suis utilitatibus et pertinentiis quibuslibet praemissis sic ut praefertur stantibus et se habentibus, memoratae civitati nostrae Bistriciensi et per consequens civibus et inhabitatoribus in eadem pro tempore commorantibus de manibus nostris regiis vigore aliarum literarum nostrarum donationalium exinde confectarum in perpetuum contulerimus velimusque eosdem in dominium eiusdem per nostrum et vestrum homines legitime facere introduci. Super quo fidelitati vestrae mandamus, quatenus vestrum mittatis hominem pro testimonio fide dignum. Quo praesente Andreas Porkolab de Kis-Budak vel Laurentius de Galacz, aut Georgius sive Johannes de Kereßthur aliis absentibus homo noster ad facies dictae domus vicinis et cometaneis eiusdem universis inibi legitime convocatis et praesentibus accedentes introducat memorates cives in dominium eiusdem statuatque eandem eisdem simul cum dicta terra Chyger et cunctis aliis utilitatibus et pertinentiis suis praemisso iure ipsis incumbente perpetuo possidendam si non fuerit contradictum. Contradictores vero, si qui fuerint, evocet eos contra annotatos cives nostros nostram personalem in praesentiam ad terminum competentem, rationem contradictionis eorum redituros. Et post haec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum, qui praemissae statutioni intererant, nominibus terminoque assignato eidem nostrae personali praesentiae fideliter rescribatis. Datum Barthphae feria secunda proxima post dominicam Invocavit, anno domini millesimo quadringentesimo septuagesimo quarto, regnorum nostrorum anno Hungariae decimo septimo, Bohemiae vero quinto,