Urkunde Nr. 4691 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 441.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4691

1487 Februar 7 Cosmas, Pfarrer von Petersdorf und andere bezeugen, daß Margarethe Ditel ihre fünf Hofstellen in Rosch der Hermannstädter Marienkirche vermacht hat.

Cosmas plebanus in Peterfalva, Valentinus Hungarus de eadem, Petrus capellanus in Vormloch, Valentinu[ ]¹⁾ Ursula coniux eiusdem Thomas Oth, item coniunx Laurentii Woner, relicta Michaelis incolae in eadem Vormlach, Paulus Gereb et Georgius Goldner de Rawas una cum aliis dictarum possessionum inhabitatoribus fatemur quibus incumbit universis, quod cum nos in praefata Vormlach congregati ad infrascriptam testationem audiendum essemus petiti, tum coram nobis personaliter constituta honesta domina Margareta, relicta quondam Nicolai Ditel, soror carnalis quondam honorabilis domini Petri de Ibisdorf, praesentibus honestis Paulo Sutore filio, Cristina coniuge Pauli Moler ac Ursula praefata filiabus dictae Margarethae, tunc ipsa domina Margareta licet aegra corpore valida tamen ratione sponte deligeratque legavit testamentaliter et irrevocabiliter ecclesiae parochiali beatae Mariae virginis Cibiniensi illas quinque curias cum omnibus pertinentiis et utilitatibus suis, quas in dicta Rowas dinoscitur possidere. Praedictis filio nepote et filiabus suis ipsam testamentariam legationem matris laudantibus obligaruntque se singulariter et congregati quod si quis illam testationem revocaret quod centum florenos auri dictae ecclesiae beatae Mariae persolvere teneatur contradictione nulla obstante. Die septimo Februarii, anno domini M quadringentesimo octogesimo septimo. In quorum omnium fidem et testimonium sigillum decanatus sedis Selk ad nostram petitionem est appressum loco die et anno praenotatis.


1) Verwischt 12 mm.^{^}