Urkunde Nr. 829 aus Band II

Seite im UB:

226-227 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

829

Szentimre 1365 August 8 Peter. Vizewoiwode von Siebenbürgen, berichtet dem Könige Ludwig I., dass er die Verhandlung in der Streitsache zwischen Johann, Sohn Gegs' von Malmkrog, und den Sachsen von Grosskopisch und Waldhütten, betreffend den Landstrich Lapus, an den König geleitet habe.

Vestra nosse velit excellentia, quod cum nos in octavis festi beati Jacobi apostoli nunc proxime praeteritis²⁾ una cum regni vestri nobilibus partis Transsiluanae iudiciario pro tribunali sedissemus et causas quorumlibet litigantium discutere coepissemus, inter alios causidicos magister Johannes filius Gegus de Almakerek ad nostram accedendo praesentiam exhibuit nobis literas magnifici viri domini Dionisii vaivodae Transsiluani domini nostri octavo die quindenarum festi sanctae trinitatis, anno in praesenti³⁾ emanatas, in quibus inter cetera comperimus haberi manifeste, quod ipso in regno [S. 227] Bulgariae prope civitatem Budunyensem in exercitu verso existente ipse magister Johannes filius Gegus de Almakerek ad praesentiam eiusdem accedendo exhibuisset eidem quasdam literas patentes vestrae serenitatis in praedictio exercitu vestro in quindenis festi sanctae trinitatis tunc proxime transactis¹⁾ emanatas, per quarum tenores inter cetera vestra serenitas auditis querimoniis ipsius magistri Johannis quandam terram Lapus vocatam eiusdem magistri Johannis cum silvis vineis arboribusque et terris arabilibus et quibusvis utilitatibus ut dicitur per Saxones de villis Waldhyd et Kapus indebite occupatam eidem magistro Johanni scita prius omnimoda veritate perpetuo statui facere praecepissetis. Quibus quidem literis vestrae excellentiae sic exhibitis praescripti Saxones duarum villarum ibi existentes et per ipsum dominum nostrum vaivodam in suam praesentiam legitime vocati comparentes se super facto praescriptae terrae Lapus efficacia instrumenta et munimenta habere retulissent ex adverso. Quibus sic perceptis commisisset eo modo, quod praedictae utraeque partes instrumenta ipsorum super facto dictae terrae Lapus si quae habent confecta contra sese in octavis festi beati Jacobi apostoli tunc venturi²⁾ in nostri praesentia in sancto Emrico exhibere tenerentur. Quibus visis iuxta vestrum mandatum perscrutata et rescita omnimoda veritate iustitiam impendere deberemus inter partes praenotatas.Quarum literarum exhibitionibus factis et continentiis earundem perlectis iam dicti Saxones e converso literas vestrae maiestatis exhiberi curaverunt, in quibus inter cetera comperiebatur isto modo, quod cum vos causam, quae inter Johannem filium Gegus ex una et Saxones de sede Medies parte ab alia super quadam terra Lapus vocata in octavis festi beati Jacobi apostoli²⁾ coram nobis litigiose verteretur, in curia vestra velletis iudicari et determinari praecipiendo nobis firmiter, quatenus eandem causam iudicare non deberemus sed ipsam in eodem statu ad curiam suam transmitteremus iudicandam et fine debito terminandam octavasque festi beati Andreae apostoli nunc venturas³⁾ partibus praedictis coram vobis comparendi pro termino assignaremus. Nos igitur mandatis vestrae excellentiae obtemperantes ut tenemur eandem causam finaliter terminandam in praesentiam vestrae maiestatis ad octavas festi beati Andreae apostoli nunc affuturas³⁾ in eodem statu duximus prorogandam, committentes partibus praedictis, ut universa ipsorum instrumenta et literalia munimenta, si quae in facto iam dictae particulae terrae Lapus vocatae hebent, in eodem termino coram vestra maiestate exhibere teneantur. Quibus visis vestra maiestas iudicium et iustitiam facere valeat inter praenotatas. Datum in sancto Emrico, octavo die octavarum praedictarum festi beati Jacobi apostoli, anno domini M^o CCC^mo LX^{mo b)} quinto.

Petrus vicevaivoda
Transsiluanus.

Auf der Rückseite Adresse: Domino regi pro magistro Johanne filio Gegus de Almakerek contra Saxones de Waldhyd et Kapus ad octavas festi beati Andreae apostoli³⁾ in curiam regiam prorogatoriae.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 226 (1 zu voranstehender Urkunde), 1-3 auf S. 227.^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier das erste nach, die weiteren über den Zahlzeichen.^{^}
[S. 226]
2) August 1.^{^}
3) Juni 29.^{^}
[S. 227]
1) Juni 23.^{^}
2) August 1. [2x]^{^}
3) Dezember 7. [3x]^{^}