Urkunde Nr. 1771 B aus Band III

Seite im UB:

658-659

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73950 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 452 [zweites der beiden Originale unter dieser Signatur].

Druckvorlage:

nach Original

Abdruck als:

Volltext

Sprache:

Latein

---

1771 B

Konstanz 1415 Mai 26 König Sigmund beauftragt den Woiwoden von Siebenbürgen und Genossen mit der Untersuchung der in Scharberg für die Reisenden und Kaufleute bestehenden Abgabenverpflichtung beziehungsweise mit der Geltendmachung dieser Verpflichtung gegenüber den Sachsen.

Von der Kanzlei: Commissio propria domini regis.

Sigismundus dei gratia Komanorum rex semper augustus ac Hungariae et cetera rex fidelibus nostris magnifico . .¹⁾ vaivodae partium nostrarum Transiluanarum et comiti Siculorum nostrorum vel eorum vices gerentibus praesentibus et futuris praesentes visuris salutem et gratiam. Quaerulose detexit nobis fidelis noster dilectus Anthonius filius Nicolai de Somkerek sua et Petri filii Johannis filii eiusdem Nicolai carnalis fratris sui in personis, quomodo nonnulli forent mercatores et alterius status homines signanter Saxones, qui quadam praesumptuositate involuti, tributariam solutionem in loco tributi ipsorum in possessione eorum Sarumberek vocata exigi consueti per eosdem solvendam ipsis et tributariis ipsorum reddere et persolvere [S. 659] recusantes inventis pro se ipsis quibusdam viis sinistris seu falsis et aliis frivolis occasionibus fictis insoluto tributo hinc et hinc pertransirent in praeiudicium ipsorum et damnum satis grande. Et quia nos praescriptam possessionem Sarumberek in comitatu de Thorda habitam simul cum tributo et cunctis aliis suis pertinentiis et utilitatibus praefatis Anthonio et quondam Johanni fratri suo ipsorumque heredibus vigore aliarum literarum nostrarum desuper confectarum contulisse dignoscimur, via etiam cuiuslibet tributi, si regale fuerit, ad unum, si vero nobilis exstiterit, ad medium milliaria ex utraque parte pro sua meta secundum communem aestimationem et consuetudinem extendi debere censetur, nolentes igitur praefatos Anthonium et Petrum eorum iuribus per quempiam indebite frustrari et minus iuste defraudari, fidelitati vestrae firmiter praecipiendo mandamus, quatenus dum et quamprimum per praefatum Anthonium aut Petrum seu hominem ipsorum ad id fueritis requisiti, ex tunc missis ad id certis probis et fide dignis nobilibus dicti comitatus hominibus de et super eo, quomodo et qualiter ac qua limitatione praemissa tributaria solutio seu exactio rationabiliter soluta et exacta fuerit et usque quo metae seu viae eiusdem extensae fuerint seu secundum huiusmodi consuetudinem communem extendi debuerint, meram, indubitatam et sufficientem experiendo veritatem, quemadmodum vobis exinde sicut praefertur sufficienter constiterit certitudo veritatis, omnes et singulos viatores et mercatores signanter Saxones ad praemissam tributariam solutionem rite astrictos ad solvendam et reddendam praedictis Anthonio et Petro vel eorum tributariis huiusmodi tributariam solutionem rationabiliter ut fertur exigendam astringere et artius compellere debeatis, repugnantes et eandem solvere contendentes per eorum damna et gravamina opportuna artius compellendo ipsisque Anthonio et Petro vel eorum tributariis dum et quotiescumque opus fuerit vestris auxiliis et subsidiis assistendo. Commisimus etenim praefato Anthonio et consequenter dicto Petro vel tributariis ipsorum et harum serie annuimus, ut ipsi saepe dictam tributariam solutionem in viis dicti tributi ad id aptis et pertinentibus ab omnibus quibus decuerit exigendi et extorquendi tutam, liberam et omnimodam habeant facultatem praesentibus eis attributam. Secus non facturi. Praesentes etiam perlectas semper reddi iubemus praesentanti. Datum Constanciae, octavo die festi Penthecostes, anno domini millesimo quadringentesimo quinto decimo, regnorum nostrorum anno Hungariae et cetera vicesimo nono, Romanorum vero quinto.


1) Woiwode Nikolaus.^{^}