Urkunde Nr. 1692 aus Band III

Seite im UB:

544-547 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 40.

Druckvorlage:

nach Original

Abdruck als:

Volltext

Sprache:

Latein

---

1692

Kronstadt 1412 September 7 Stibor, Woiwode von Siebenbürgen, schaltet die ihm von den Kronstädtern vorgelegten Bestimmungen, betreffend die Abgaben für den Handelsverkehr mit der Walachei, betreffend ferner die Zahl der Eideshelfer, die Höhe der Straf- und Gerichtsgebühren sowie die Rechte des Judex regius und des Judex terrestris, ein und erklärt diese Bestimmungen für rechtskräftig. [S. 545]

[S]tiborius¹⁾ vaivoda Transsiluanus, Trinczinii, Bistriciae, Nitriae et Solnuk²⁾ comitatuum comes ac fluvii Wag dominus perpetuus et cetera. In notitiam volumus devenire singulorum tam praesentium quam futurorum, quoniam quae geruntur in tempore, ne simul labantur cum lapsu temporis, poni solent in lingua³⁾ testium vel scripturae memoria perennari. Quod⁴⁾ cum nos ex speciali permissione serenissimi principis⁵⁾ et domini, domini Sigismundi Romanorum regis semper augusti ac Vngariae et cetera regis una cum magnifico viro Michaele de Nadazd filio Salomonis comite Siculorum ac strenuis viris militibus Ladislao de Nadab vicevaivoda nostro partium praemissarum, Thoma Farkacz et Anthonio de Erdel, cum ceteris nobilibus, baronibus, prudentibus quamplurimis fide dignis viris in sede nostra iudiciaria pro faciendo causantibus moderativo iudicio sedentes⁶⁾ feria quarta proxima ante nativitatem Mariae virginis gloriosae,⁷⁾ in civitate Braschouiensi fuissemus constituti plenariaque potestate eiusdem domini nostri regis fulciti ex decreto praenominati domini regis ac⁴⁾ suorum praelatorum, baronum et nobilium consilio super eo,⁸⁾ uti omnes et singuli praelati, barones, nobiles et alii cuiusvis conditionis et possessionati homines partium superius tactarum, si quae⁹⁾ excellentissimae principes coniux quondam serenissimi principis domini Lodouici quondam regis Hungariae et cetera ac Maria regina piarum recordationum quondam contoralis domini et domini Sigismundi Romanorum ac Vngariae et cetera regis, si quae¹⁰⁾ aut idem dominus noster rex sub titulo novae confirmationis atque donationis ob laudem⁴⁾ et propter recompensanda fidelia obsequia sibi ac sacrae coronae diadematis regni Hungariae exhibita¹¹⁾ literalia instrumenta,¹²⁾ in specie deberent exhibere eis datas et collatas atque concessas.¹³⁾ Tandem prudentes et providi viri iudex, iurati senioresque civitatis Braschouiensis sua ac totius communitatis in personis nostram praesentiam accedentes, literas quasdam antiquas et vetustas privilegiales,¹⁴⁾ iura, laudabiles libertates ab antiquo consuetas, tentas ac usitatas,¹⁴⁾ suis ab antiquis et vetustis privilegiis quasdam libertates sive tri- [S. 546] butorum articulos distinctim eximentes,¹⁾ fide dignis personis²⁾ ac providis viris²⁾ testimonio fideli approbantes,²⁾ humili cum instantia ac devote nostris coram assessoribus supplicarunt praesentantes, quatenus antiquas literas, iura, laudabiles libertates ab antiquo usitatas, tentas et consuetas, datas necnon concessas una cum tributorum articulis modo ordinato inferius nostris in literis insertis confirmare dignaremur. De³⁾ ceteris vero quibusvis nominibus vocitentur tributum non teneantur erogari⁴⁾ duntaxat de his iam assignatis inferius tam Walachiam quam districtum Braschouiensem intrantes et exeuntes. Sequitur de panno Ippriensi quolibet viginti ducatos cum quatuor ducatis. Item de Gallicali viginti quatuor ducatos, etiam de panno Lobiensi octodecim ducatos. Item de panno Coloniensi duodecim ducatos, de panno vero Polonicali sex ducatos. Item de pecia scissa nihil datur. De mitris autem nihil datur. De vase mellis duodecim ducatos, de vase vini sex ducatos, de uno equo, qui emitur, sex ducatos. Item de uno centenario cerae duodecim ducatos. De pipere, croco, sinsibero, cariofolis et de crinibus caprarum, bombasio et de omnibus rebus mercimonialibus, quae per Sarracenos asportantur, habetur tricesimum. Item de porco duos ducatos, de bove aut vacca tres ducatos, de castrato unum ducatum, de cute cervi unum ducatum, sed de aliis cutibus nihil datur⁴⁾ portans.⁴⁾ Item de vermasio unum ducatum. Ceterum circa castrum Toelg homo equester unum ducatum, sed homo pedester unum ban,⁴⁾ et de quolibet equo, qui currui est alligatus, unum ducatum et de curru piscium unum piscem, sed de aliis nihil. Item homines nostri quando pisces portaverint de Breill, dabunt tributoria comiti Siculorum quindecim ducatos, sed in foro annuali nihil dabunt, sed solummodo manifestet⁴⁾ tributario. Item de curru piscium in Breill duos porperos, in Nouo foro unum piscem. Ceterum in Tergawist unum piscem, item de uno zomento tres ducatos sive sint lodices sive corium.⁵⁾ Et sic de singulis. Item de homine pedestri⁶⁾ unum ban, de uno equo solo unum cum medio ducato.⁷⁾ Ceterum incusatus de homicidio, furto⁸⁾ et simili expurgabit se cum viginti quinque viris. Item si actor non recipit iuramenta, iudex recipit⁴⁾ birsagium a quolibet duos ducatos, si autem actor recipit iuramenta, tunc idem actor solvet⁴⁾ pro quolibet quatuor ducatos. Item de equo acaptato cum septem hominibus se⁹⁾ expurgare tenetur. Item ante proscriptionem hominis iudex nihil habet recipere, sed post proscriptionem recipit, quae in domo inveniet, sed in tertia die ipse proscriptus potest apportare in domum, quae vult, non obstante iudice. Item quicumque acaptaverit res minus iuste et cognoscit se acaptasse, ante ingressum iudicii dabit quinque marcas, sed [S. 547] in forma iudiciaria dabit de quolibet septem virorum¹⁾ quinque marcas. Item iudex terrestris potest captivare quemlibet sine iudice regis, et si iustus repertus fuerit, potest ipsum dimittere absque consilio iudicis regis. Item si iudex regius captaverit hominem, debet ipsum ducere ad iudicem terrestrem, sed nullum possessionatum potest capere. Item si expellitur equus vel aliud animal per vendentes et ementes in plateam ita, quod nullus vult ista retinere, iudex terrestris habet recipere illa. Item de querela, quae vulgariter gewalth vocatur, sunt quinque marcae. Item si quis alium accusaverit, iudex nihil habet recipere, nisi sit probatum. Ceterum incusatus vel allocutus de vulnere, expurget se cum septem personis, sed ungerecht falger met tertius. Item proscribens aliquem dabit quadraginta denarios. Item consecutus causam suam dabit quadraginta denarios. Item coram iudicio contendens vituperiose aut molestiis dabit quinque marcas. Nos vero ad instantem petitionem iudicis, iuratorum seniorumque totius communitatis civitatis Braschouiensis rite, rationabiliter supplicantium²⁾ annuentes una cum praenominatis baronibus nobilibus assessoribus nostris animo deliberato sano, maturo scrutinio³⁾ superinde diligenti¹⁾ praehabito et communicato summo opere cupientes coronam regni Hungariae ceterosque homines mercatores cives incolas et habitatores quosque in territorio et civitate Braschouiensi⁴⁾ existentibus praesentibus et futuris eorumque posteritatibus concessimus atque plena regia potestate donavimus integram facultatem,⁴⁾ ut per hoc uberioribus utilitatibus fructuosis incrementis plurimum augmentari teraporibus diuturnis et in ipsorum praesentibus et futuris libertatibus, iuribus ab antiqua consuetudine usitatis conservari,⁵⁾ universa et singula iura, libertates, laudabiles consuetudines necnon articulos tributorum supra scriptos auctoritate regia fulciti pariter nostra approbamus, ratificamus et confirmamus, ratificavimus, approbavimus et de certa nostra scientia patrocinio literarum nostrarum mediante confirmamus¹⁾ singulaque contenta modo ante dicto sigillo nostro maiori pendenti munimine⁶⁾ iussimus perenniter consignari. Datum Braschouiae, die locoque in termino praefixo, anno domini millesimo quadringentesimo duodecimo.


a) Erster Seitenumbruch nach Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-14 auf S. 545, 1-9 auf S. 546, 1-6 auf S. 547.^{^}
[S. 545]
1) Raum für S leer gelassen.^{^}
2) Vorlage: Solunk.^{^}
3) Vorlage: ligua.^{^}
4) So Vorlage. [3x]^{^}
5) Vorlage: pncipis, Abkürzungsstrich fehlt.^{^}
6) Vorlage: sedentibus.^{^}
7) September 7.^{^}
8) Scilicet: ex decreto regis, consilio praelatorum etc. accedente, emanato super eo.^{^}
9) Vorlage: quas. -- Scilicet: instrumenta.^{^}
10) Vorlage: quas.^{^}
11) Vorlage: exhibitis.^{^}
12) Scilicet: eis dedissent.^{^}
13) Scilicet: literas.^{^}
14) Scilicet: iidem iudex, iurati senioresque civitatis Braschouiensis praesentantes. [2x]^{^}
[S. 546]
1) Scilicet: iidem iudex, iurati senioresque civitatis Braschouiensis.^{^}
2) Scilicet: fide dignarum personarum ac providorum virorum testimonio iidem iudex, iurati senioresque civitatis Braschouiensis approbantes. [3x]^{^}
3) Hier geht der Text unvermittelt zur Einschaltung der articuli über.^{^}
4) So Vorlage. [7x]^{^}
5) Vorlage: coreum.^{^}
6) Vorlage: pedestre.^{^}
7) Vorlage: ducat [Abkürzungssstrich über t].^{^}
8) Vorlage: furti.^{^}
9) Fehlt in der Vorlage.^{^}
[S. 547]
1) So Vorlage. [3x]^{^}
2) Vorlage: supplicantibus.^{^}
3) Vorlage: scrutino.^{^}
4) Satzbau unvollständig. [2x]^{^}
5) Vorlage: conservare. - Scilicet: possint.^{^}
6) Scilicet: sigilli nostri maioris pendentis munimine.^{^}