Urkunde Nr. 1689 aus Band III

Seite im UB:

539-541 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 38.

Druckvorlage:

nach Original

Abdruck als:

Volltext

Sprache:

Latein

---

1689

Kronstadt 1412 September 1 Stibor, Woiwode von Siebenbürgen, erklärt die von Thomas, dem Pleban von Kronstadt, und Genossen vorgelegten Urkunden für rechtsgültig, beziehungsweise das Besitzrecht [S. 540] des genannten Thomas und Genossen, betreffend die Besitzung Tohan, für rechtskräftig.

Stiborius vaivoda Transsiluanus et comes de Solnuk et cetera memoriae commendantes significamus tenore praesentium tam praesentibns quam futuris praesentem nostram literam inspecturis, cum unicum est oblivionis remedium, gesta quae inter homines aguntur, literis commendentur.¹⁾ Proinde,²⁾ quod cum nos una cum viro magnifico Michaele de Nadazd filio Salomonis comite Siculorum ac strenuis viris militibus Ladislao de Nadab vicevaivoda nostro, Thoma Farkasch et Anthonio de Erdel feria quinta die sancti Egidii³⁾ ex speciali commissione domini nostri regis Sigismundi Romanorum ac Vngariae et cetera regis ac plenaria potestate eiusdem nobis in arduis factis et expeditionibus ipsius datis et concessis in medium universitatis tam nobilium quam ignobilium Braschouiae fecissemus convocationem partis praemissae super eo, uti omnes et singuli praelati, barones, nobiles et alii cuiusvis conditionis et possessionati homines partium praetactarum, ex generali decreto praefati domini nostri regis et praehabito maturo consilio praelatorum, baronum,⁴⁾ super possessiones portionarias aut integras titulo novae donationis donatas, si quas olim excellentissimae principes coniunx quondam serenissimi principis domini Lodouici regis Vngariae ac Maria regina piarum recordationum quondam contoralis domini⁵⁾ et⁵⁾ domini Sigismundi Romanorum ac Vngariae et cetera regis, si quas autem idem dominus noster rex sub titulo novae confirmationis gratiose ob laude digna servitia⁶⁾ tempore disturbiorum, sacrae coronae¹⁾ diadematis¹⁾ regno¹⁾ Vngariae per eosdem cum summa fidelitate fideliter exhibita⁷⁾ eisdem dedissent, donassent et contulissent, easdem literas privilegiales superinde nostri in praesentia ac ante dictorum nobilium et baronum in specio deberent exhibere, ex tunc de medio aliorum causidicorum et prudentum virorum honorabilis vir dominus Thomas plebanus Braschouiensis exsurgens sua ac prudentum virorum in personis Anthonii filii Michaelis de sancta Agatha civis Braschouiensis, Johannis, Jacobi et Cristiani filiorum quondam Mathiae de sancta Agatha et Nicolai filii Eberhardi comitis de Feketehalm exhibuit nobis quasdam literas privilegiales praelibati domini nostri regis ac capituli ecclesiae Albensis Transsiluanae duplici sigillo pendenti munitas et roboratas tendentes¹⁾ super possessione quadam Thucha vocata in districtu Braschouiensi situata⁸⁾ et eiusdem utilitatibus et pertinentiis titulo hereditario eosdem concernentibus. [S. 541] Quarum quidem tenorem et seriem perpetualis¹⁾ ac irrevocabilitatis¹⁾ novae confirmationis collationis materiam nos una cum praedictis magnificis et nobilibus viris elucidato animo diligenter inspeximus et perlegi fecimus. Quas quidem literas privilegiales praemissas de perpetua confirmatione et collatione coram regni proceribus praesentium vigore attestificavimus in omni parte earundem continentiam²⁾ ratas, gratas,³⁾ acceptas et ratificatas prorsus habuimus non abrasas, non cancellatas sed omni suspicionis vitio esse carentes ac collationem praemissarum literarum instrumentalium in specie nobis exhibitarum perenniter et perpetualiter praetitulatos viros dominum Thomam plebanum ecclesiae Braschouiensis, Anthonium filium Michaelis, Johannem, Jacob um atque Cristianum filios Mathiae quondam et Nicolaum filium Eberhardi heredumque eorum posteritates approbavimus obtinere et perpetualiter eiusdem possessionis utilitates percipere. Super exhibitione earundem literalium instrumentorum in specie exhibitorum praefatorum Anthonii, Johannis, Jacobi, Cristiani et Nicolai filios filiorum et successores ipsorum dimisimus, reddidimus immo nihilominus reliquimus expeditos pariter et absolutes et in dominium praedictae possessionis confirmantes iuxta contenta regalium literarum nullo contradicente, patrocinio testimonioque literarum nostrarum maiori nostro sigillo pendenti mediante praesentes fecimus communiri. Datum in termino praefixo die et loco ut supra, anno domini millesimo quadringentesimo duodecimo.


a) Erster Seitenumbruch im Kopfregest. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 540, 1-3 auf S. 541 (dortige 4-5 zu nachfolgender Urkunde).^{^}
[S. 540]
1) So Vorlage. [5x]^{^}
2) Scilicet: significamus.^{^}
3) September 1.^{^}
4) Scilicet: et praehabito maturo consilio per regem cum praelatis et baronibus.^{^}
5) Vorlage: et domini. [2x]^{^}
6) Vorlage: laudem dignis servitiis.^{^}
7) Vorlage: exhibitis.^{^}
8) Vorlage: situata [Abkürzungssstrich über Wortende].^{^}
[S. 541]
1) So Vorlage. [2x]^{^}
2) Scilicet: literas et continentiam earundem.^{^}
3) Vor g Rasur.^{^}
4) Vorlage: Bistrziae.^{^}