Urkunde Nr. 1686 aus Band III

Seite im UB:

536-537

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

1686

Ofen 1412 August 11 Pipo, Comes von Temes, beauftragt Peron, den Kamerarius in Thorenburg, den [Deschern / ] Deesern gegenüber den Vizekamerarii in Szatmar Genugthuung zu verschaffen, betreffend Tuch und Salz.

[S. 537] Pipo de Ozora Themesiensis et cameraram salium regalium comes dilecto nobis circumspecto viro magistro Peroni camerario nostro in Torda constituto salutem cum dilectione. Ex querulosa significatione providorum virorum Petri literati et Ladislai filii Michaelis civium et hospitum regalium de Dees coram nobis personaliter astantium in personis universitatis civium et populorum de eadem nobis facta percepimus displicenter, quomodo Vallentinus, Thomas et Demetrius literati familiares et vicecamerarii no[mini]bus viri magistri Andreae literati de Kapy camerarii scilicet nostri in Zathmar constituti praefatis civibus et hospitibus regalibus et eorum cuilibet tam in facto assignationis pannorum quam etiam salium diversas iniurias et falsitates hucusque intulissent et non cessarent inferre de praesenti. Unde cum nos praedictos cives et hospites regales et eorum quemlibet in ipsorum consuetudinibus et iuribus antiquis seu pristinis indemnes et illaesos velimus conservari et pacifice perfrui, volentesque per vestram dilectionem ex parte praefatorum Vallentini, Thomae et Demetrii literatorum vicecamerariorum ipsius magistri Andreae literati super universis iniuriis, damnis et factis illicitis ipsis civibus aut eorum alicui per eos quoquomodo illatis et perpetratis nostra¹⁾ in persona eisdem civibus et hospitibus regalibus et eorundem cuilibet omnis iuris et iustitiae ac satisfactionis exhiberi et administrari complementum, igitur eidem vestrae dilectioni firmissime mandamus per praesentes, quatenus habita praesentium notitia ad festum beati Martini episcopi et confessoris proxime affuturum²⁾ illac ad civitatem Dees praedictam personaliter accedere ex parteque praefatorum vicecamerariorum, quos idem magister Andreas literatus ad dictum terminum coram nobis facie ad faciem existendo inibi personaliter statuere assumpsit, super omnibus iniuriis et factis illicitis ac damnis praefatis civibus et hospitibus regalibus et eorum singulis iuxta propositiones eorundem adversus ipsos vicecamerarios fiendas nostra in persona omnis iuris et iustitiae ac satisfactionis exhibere et administrare debeatis complementum favore quolibet postposito iustitia mediante. Et aliud in praemissis facere non ausuri. Datum Budae, secundo die festi beati Laurencii martyris, anno domini millesimo quadringentesimo XII^mo.


1) Hierauf durchgestrichen: civibus.^{^}
2) November 11.^{^}