Urkunde Nr. 1650 aus Band III

Seite im UB:

500-501

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 73919 - Familienarchiv Teleki zu Neumarkt (Családi levéltárak, Teleki család, marosvásárhelyi) Nr. 393.

Druckvorlage:

nach Original

Abdruck als:

Volltext

Sprache:

Latein

---

1650

Diakovar 1410 Dezember 13 König Sigmund bestätigt für den Magister Mathias Baldi von Hermannstadt die Urkunde des Comes Pipo von 1408 Nr. »1613, betreffend ein Haus in Hermannstadt, und entsagt zu Gunsten des genannten Mathias den dem König bezüglich dieses Hauses etwa zukommenden Rechtsansprüchen.

Von der Kanzlei: Relatio comitis Piponis Themesiensis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera sacrique Romani imperii vicarius generalis memoriae commendamus tenore praesentium significantes quibus expedit universis, quod honorabilis vir dominus Benedictus praepositus ecclesiae beatae Mariae virginis Albae regalis in nostrae maiestatis constitutus praesentia, nomine et in persona circumspecti viri magistri Mathiae Baldi civis civitatis nostrae Cybiniensis exhibuit nobis quasdam literas patentes viri magnifici Piponis de Ozora Themesiensis et camararum salium nostrorum regalium comitis, fidelis nostri dilecti pendenti sigillo eiusdem maiori et authentico consignatas, de et super facto cuiusdam domus lapideae in medio dictae civitatis nostrae Cybiniensis per praefatum magistrum Mathiam cum propriis suis expensis et laboribus constructae seu aedificatae confectas tenoris subsequentis, supplicans exinde idem nomine quo supra humili precum cum instantia, ut easdem literas quoad omnes earum continentias, clausulas et articulos ratas, gratas et acceptas habendo nostrisque literis patentibus verbotenus inseri et redigi faciendo pro ipso magistro Mathia Baldi suisque heredibus et posteritatibus perpetuo valituras innovantes omnibus et singulis in eisdem literis contentis nostrum regium benivolum consensum praebere dignaremur pariter et assensum. Quarum quidem literarum tenor talis est. (Folgt die Urkunde des Comes Pipo von 1408 Nr.»1613.) Nos igitur iustis et legitimis praefati domini Benedicti praepositi supplicationibus ante fatis, nostrae maiestati nomine quo supra humiliter porrectis regia benignitate exauditis favorabiliter et admissis praefatas literas omni prorsus vitio et suspicione carentes, praesentibus de verbo ad verbum¹⁾ sine diminutione et augmento aliquali insertas²⁾ quoad omnes earum continentias, clausulas et articulos approbamus et ratificamus eisque nihilominus et omnibus in eis contentis et superius specificatis mera auctoritate et potestatis plenitudine ex certaque nostrae maiestatis scientia nostrum regium benivolum consensum praebuimus gratiose pariter et assensum salvo iure alieno. Et [S. 501] nihilominus ut omnem materiam, viam seu occasionem futuris calumniis, si quae malitia forte instigante adversus praedictum magistrum Mathiam seu suos heredes aut successores oriri possent, quod absit, penitus obstruamus, de regia nostra munificentia, de specialis mera muneris nostri gratia praedictis addicimus, quod si nostrae maiestati in praedicta domo retroactis temporibus ius aliquod, quod tamen nobis non constat, quoquo modo competisset aut competeret de praesenti, idem ius nos eidem magistro Mathiae et suis heredibus seu successoribus liberaliter resignamus, dantes sibi et suis successoribus de praedicta domo possidendi, vendendi, locandi, donandi, testandi seu alias disponendi in vita pariter et in morte auctoritate nostra plenariam potestatem praesentium nostrarum literarum patentium patrocinio mediante. Datum in Dyakow, in festo beatae Luciae virginis et martyris, anno domini millesimo quadringentesimo decimo.


1) b gebessert aus: s.^{^}
2) Vorlage: insertos.^{^}