Urkunde Nr. 175 aus Band I

Seite im UB:

126

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 096 - Erdélyi országos kormányhatósági levéltárakból (F), Gykol, Cista comitatuum.

Druckvorlage:

nach Original

Abdruck als:

Volltext

Sprache:

Latein

---

175

Altsohl 1274 August 22 König Ladislaus IV. bezeugt, dass er dem Archidiakon Ders, Magister Nikolaus und deren Brüdern die terra Euryghaz verliehen habe.

Nos Ladislaus dei gratia rex Vngariae significamus tenore praesentium universis, quod nos considerantes fidelitates et servitiorum merita Ders archidiaconi et magistri Nicolai fidelium nostrorum fratrumque ipsorum, quae iidem carissimo patri nostro et nobis postmodum impenderunt fideliter et devote, quandam terram castri Albensis Transiluani, Euryghaz vocatam concernentem intra suas metas et limitationes^a) suorum terminorum rura sive sessiones villarum Demegteluke, Gvyudteluke, Oslteluke et Syveteluke vocatarum^b), ubi etiam sita est ecclesia beati Thomae apostoli, eximendo penitus a iurisdictione dicti castri eisdem Ders archidiacono et magistro Nicolao ac fratribus eorum dedimus, donavimus et contulimus perpetuo possidendam^c). In cuius terrae corporalem possessionem eosdem per comitem Andream de Gyoug hominem nostrum sub testimonio capituli Albensis Transsiluani, praesentibus iobagionibus castri, vicinis et commetaneis omnibus nulloque contradictore existente fecimus introduci, prout id nobis per literas dicti capituli constitit evidenter. Datum in Zolum, in octavis assumptionis beatae virginis, anno domini M^o. CC^o. LXX^o. quarto.


a) Nachtrag UB I, Seite 619 statt limitationibus.^{^}
b) statt vocatas.^{^}
c) statt possidendas.^{^}