Urkunde Nr. 1614 aus Band III

Seite im UB:

461-462

Druckvorlage:

nach Original

Abdruck als:

Volltext

Sprache:

Latein

---

1614

1408 April 9 Das Weissenburger Kapitel schaltet die Urkunde der Woiwoden Jakob Lachk und Johann Henrici von 1408 Nr. »1611 ein und bezeugt, dass Peter, Sohn Johanns von Mediasch, in einen Besitzanteil von Puschendorf eingeführt worden ist.

Capitulum¹⁾ ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nos literas virorum magnificorum dominorum Jacobi Lachk de Zanthow et Johannis Henrici de Thamasy vaivodarum Transsiluanorum et comitum de Zolnuk nobis directas recepimus in haec verba. (Folgt die Urkunde der Woiwoden Jakob Lachk und Johann Henrici von 1408 Nr. »1611.) Nos enim petitionibus eorundem vaivodarum iustis et legitimis annuentes una cum Jacobo de Sarws homine ipsorum nostrum hominem videlicet discretum virum dominum Blasium rectorem altaris corporis Christi presbyterum de choro nostro ad praemissa exequenda duximus destinandum. Qui demum exinde ad nos reversi nobis concorditer retulerunt, quod ipsi feria quinta proxima ante dominicam Ramispalmarum nunc praeterita²⁾ ad faciem praescriptae portionis possessionariae in dicta possessione Pochteleke habitae, per saepe fatam nobilem dominam Katherinam dicto Andreae de Herepe modo superius declarato donatae pariter accessissent ac vicinis et commetaneis eiusdem circumquaque legitime convocatis ipsisque praesentibus statuissent eandem eidem Petro filio Johannis de Megyes cum his quibus congruit ac heredibus et posteritatibus suis universis cum omnibus suis utilitatibus et pertinentiis quibuslibet perpetuo possidendam, prout in literis vaivodarum continebatur, contradictione praefati Andreae et aliorum quorumlibet praevia ratione non obstante. Datum feria secunda proxima post dominicam Ramispalmarum, [S. 462] anno domini millesimo quadringentesimo octavo praenotato. Honorabilibus et discretis viris dominis Georgio Lepes praeposito, Johanne cantore, Michaele custode ac Blasio Siculo archidiacono de Wgucha, decano canonicis ecclesiae nostrae existentibus.


1) Verlängerte Schrift.^{^}
2) April 5.^{^}