Urkunde Nr. 1604 aus Band III

Seite im UB:

446

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1604

1408 Januar 28 Das Weissenburger Kapitel bezeugt, dass seitens Johann Gereb's von Martinsdorf und Genossen gegen den Propst Georg Lepes und Genossen Einsprache erhoben worden ist, betreffend Besitzanteile in Mildenburg und Urmenen.

Nos capitulum ecclesiae Transsiluanae significamus tenore praesentium quibus expedit universis, quod Petrus filius Emerici de Georgfalwa in personis strenui militis Johannis dicti Gereb de Martonfalwa ac nobilium dominarum Anna consortis Nicolai filii Apah de Almakerek, et Katherina vocatarum filiarum videlicet quondam Johannis vaivodae¹⁾ de Waradya per modum protestationis nobis significare curavit, quomodo honorabilis et discretus vir dominus Georgius Lepes praepositus et canonicus ecclesiae nostrae praedictae necnon Demetrius, Lorandus et Thomas de Waraskezy quasdam portiones possessionarias in possessionibus Alamar et Balagarzekes habitas, non ut ipsorum portiones possessionarias sed tamquam eorundem Johannis dicti Greb ac nobilium dominarum Anna et Katherina vocatarum ipsas iure hereditario et successorio concernentes impignorassent, alienassent et ad manus alienas tradidissent in praeiudicium et iacturam ipsorum Johannis, Annae et Katherinae valde grande. Unde facta huiusmodi protestatione prohibuit eosdem Georgium Lepes praepositum, Demetrium, Lorandum et Thomam ab impignoratione, alienatione, traditione et venditione, ac alios quoslibet a receptione, usurpatione et statuifactione praedictarum portionum possessionariarum fructuumque ac quarumlibet utilitatum earundem perceptione et percipifactione seu quovis quaesito colore se intromissione ac sibi ipsis perpetuatione factis vel fiendis publice et manifeste coram nobis contradixit inhibendo. Super quo literas nostras protestatorias simul et prohibitorias petiit emanari, quas nos concessimus communi iustitia suadente. Datum Sabbato die proximo ante festum purificationis virginis gloriosae, anno domini millesimo quadringentesimo octavo.

Auf der Rückseite, von einer Hand des 15. Jahrhunderts: Dez ist daz vorgebot of Mildenberg.


1) So Vorlage. - Richtig: vicevaivodae.^{^}