Urkunde Nr. 1601 aus Band III

Seite im UB:

444

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 20.

Druckvorlage:

nach Original

Abdruck als:

Volltext

Sprache:

Latein

---

1601

Kronstadt 1408 Januar 7 Der Rat von Kronstadt bezeugt, dass die Familie Simon Ruedel für die Messe der Heiligleichnamsbruderschaft in der Marienkirche eine Stiftung gemacht hat.

Memoria etenim hominum diversis sauciatur oblivionum iaculis. Necessario igitur ea, quae in tempore fiunt et ad futurorum agnitionem derivari diliguntur, ne labente tempore homineque marcescente oblivionis succumbant¹⁾ imperio, restauro testimonii et sigilli quomodolibet aeternantur.²⁾ Nos igitur iudex, universi quoque iurati consules civitatis Coronensis memoriae commendando significamus tenore praesentium quibus expedit universis, quod nobis in consistorio nostro existentibus accedentes nostram praesentiam providi et circumspecti homines Symon dictus Ruedel cum consorte sua et heredibus civitatis nostrae commansores et concives nobis uniformiter referentes, quomodo ipsi matura praehabita deliberatione tale ob salutem animarum suarum testamentnm condere decrevissent in hoc modo, videlicet quod ipsi de domo eius, in qua mansionem habeant, inter domos Johannis Scholer et altera parte Andreae dicti Prodener³⁾ singulis annis futurae successionis ad missam sacri corporis Christi in ecclesia beatae Mariae virginis in lectorio eiusdem et fratribus eiusdem missae unum florenum in auro dare vellent et ad dandum se penitus coram nobis spontanea obligarunt voluntate tali etiam interserta conditione, quod post mortem ipsorum omnes et singuli futuri successores heredes ac etiam eiusdem domus emptores singulis annis in pagatione huiusmodi aurei floreni ad praefatam missam penitus sint obligati nullo omnino contradictore apparente. In cuius rei testimonium firmitatemque perpetuam praesentes subappenso nostro sigillo duximus roborandas. Datum Coronae, in crastino epiphaniarum domini, anno eiusdem millesimo quadringentesimo octavo.

Auf der Rückseite, vom Schreiber der Urkunde: Solutio committatur circa festum resurrectionis domini singulis annis secuturis.


a) Im UB III Abbildung des Siegels der Stadt Kronstadt auf Tafel III, Bild 10, unten als »Abb. ^{^}

1) Vorlage: succumbat.^{^}
2) Vorlage: aeternentur.^{^}
3) Scilicet: existenti.^{^}

Abb.