Urkunde Nr. 1589 aus Band III

Seite im UB:

435

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 2.

Druckvorlage:

nach Original

Abdruck als:

Volltext

Sprache:

Deutsch

---

1589

Wien 1407 Juni 3 Bürgermeister, Richter und der Rat der Stadt Wien geben dem Richter und dem Rat zu Hermannstadt Nachricht, betreffend den Empfang eines Schreibens beziehungsweise betreffend den Handel der Hermannstädter nach Wien sowie den Handel der Wiener nach Hermannstadt.

Nach vnserm willigen dinst lassen wir ewr erberchait wissen, als ir vns geschriben habt an ewrm brif, das wir das wal vernomen haben, wie ir von dem kuenig erworben habt, das ir frey seyt zu vns nach ewrn alten rechten vnd freytumen zue kaufflagen vnd zue arbayten, vnd das ir gesichert wert, das ayn man durch des andern schuld nicht wert verpoten, aufgehalden nach gehindert. Sult ir wissen, das ir freileichen vnd an hindernuezz mit ewrer kaufmanschafft zue vns gehanndeln vnd gearbayten muegt, das ayn man fuer den andern ader des andern schuld nicht aufgehalden werden sol also, das der¹⁾ vnsern ainer fuer den andern bey ew auch nicht aufgehalden nach gehindert werd, wann wir zu allen zeiten gern tuen, was ew vnd den ewrn lieb vnd dinst ist. Geben ze Wienn, am Freytag nach Petronelle, anno domini et cetera quadringentesimo septimo.

Purgermaister, richter vnd der rat der stat ze Wienn.

Auf der Rückseite Adresse: Den erbern weisen dem richter vnd dem rat zue der Hermansstat vnsern gueten frewnden.


1) Vorlage: dor.^{^}