Urkunde Nr. 1584 aus Band III

Seite im UB:

431-432 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1584

Ofen 1407 April 2 König Sigmund beauftragt das Weissenburger Kapitel, bei der Einführung Johanns, des Sohnes Dionysius' von Illye, in den Besitz eines Anteils von Kleinblasendorf mitzuwirken.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis capitulo ecclesiae³⁾ Transsiluanae salutem et gratiam. Quia nos totalem nostram regiam portionem possessionariam in possessione Balastheleke vocata in partibus nostris Transsiluanis in comitatu de Kykellew existenti habitam fideli nostro dilecto Johanni filio Dionisii de Illye et per eum suis heredibus per alias literas nostras superinde confectas novae⁴⁾ nostrae⁴⁾ donationis⁴⁾ titulo⁴⁾ perpetuo contulimus ipsumque in dominium eiusdem per nostrum et vestrum homines legitime introduci et statui facere volumus, igitur fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Jacobus vel Petrus de Sarus aut Ladislaus de Swbud sin Stephanus de Forra neve Benedictes filius Petri Ewz de zanchal aliis absentibus homo noster ad faciem dictae totalis nostrae portionis possessionariae [S. 432] in dicta possessione habitae vicinis et commetaneis suis universis inibi legitime convocatis et praesentibus accedendo introducat praefatum Johannem in dominium eiusdem statuatque eandem eidem praemissae novae nostrae donationis titulo perpetuo possidendam, si non fuerit contradictum. Contradictqres vero si qui fuerint, citet ipsos contra memoratum Johannem in praesentiam vaivodarum nostrorum Transsiluanorum ad terminum competentem rationem contradictionis eorum reddituros. Et post haec ipsius portionis possessionariae introductionis et statutionis seriem cum nominibus contradictorum et citatorum si qui fuerint terminoque assignato eisdem vaivodis nostris rescribatis more solito. Datum Budae, Sabato proximo post festum Paschae domini, anno eiusdem millesimo quadringentesimo septimo. Auf der Rückseite: Fidelibus suis capitulo ecclesiae Albensis Transsiluanae pro Johanne filio Dionisii de Illye. Statutoria. Auf der Rückseite, von gleichzeitiger Hand: Una cum Petro de Sarus nostrum Johannem clericum de choro nostro ad praemissa fideliter exequenda et cetera, quod ipsi sexta feria proxima ante festum beatorum Phylipi et Jacobi apostolorum¹⁾ et cetera accessissent et cum statuere voluissent, Ladislaus de Sugwd in persona dominae Margarethae consortis suae, ac Johannes filius²⁾ Petri filii Clementis de Estwanhaza in persona dominae Katherinae relictae quondam Nicolai filii Stephani de dicta Estwanhaza ac Johannis filii eiusdem dominae Katherinae pro quarta filiall ipsarum dominarum eisdem de praedicta portione possessionaria debente contradictores exstitissent, quos quidem dominas et Johannem filium Nicolai contra praefatum Johannem filium Dyonisii ad octavas festi beati Johannis baptistae³⁾ citassent in reliquis partibus ipsius portionis possessionariae eundem Johannem filium Dyonisii nemine contradictore apparente reliquissent, stantibus diebus et cetera. Datum in festo apparitionis sancti Mychaelis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 431 (1-2 zu voranstehender Urkunde), 1-3 auf S. 432 (dortige 4 zu nachfolgender Urkunde).^{^}
[S. 431]
3) Hierauf durchgestrichen: Albensis.^{^}
4) Über der Zeile nachgetragen. [4x]^{^}
[S. 432]
1) April 29.^{^}
2) Hierauf durchgestrichen: Stephani.^{^}
3) Juli 1.^{^}