Urkunde Nr. 1514 A aus Band III

Seite im UB:

326-327

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1514 A

Bistritz 1366 Juni 6 König Ludwig I. erlässt zu Gunsten der Klausenburger eine Verordnung, betreffend die ihnen hinsichtlich ihrer Sachen und Waren in Siebenbürgen zustehende Freiheit von Abgaben.

Lodouicus dei gratia rex Hungariae fidelibus suis universis praelatis et baronibus specialiter autem vaivodae vel vicevaivodae Transsiluano, comitibus, castellanis, nobilibus, [S. 327] officialibus et aliis cuiusvis dignitatis et status hominibus tributa in partibus Transsiluanis ubique habentibus et tenentibus eorumque tributariis quibus praesentes ostenduntur salutem et gratiam. Cum fideles nostri cives et hospites de civitate nostra Coloswaryensi exigente privilegiata eorum libertate per dominum Karolum quondam regem Hungariae patrem nostram carissimum beatae memoriae eis concessa et donata per nosque tandem confirmata de rebus et mercimoniis ipsorum nullas¹⁾ intra terminos terrarum Transsiluanarum tributum solvere aliquod teneantur, sed ab omni tributaria solutione exempti habeantur, fidelitati vestrae firmo regio sub edicto districte mandamus, quatenus de praedictis civibus et hospitibus nostris Coloswaryensibus vel eorum aliquo ac rebus, bonis et mercimoniis ipsorum cuiuscumque generis existant, dum ad loca vestra tributaria pervenerint, nullum penitus tributum recipere vel exigi facere praesumatis immo potius eosdem et quemlibet ipsorum cum rebus, bonis et mercimoniis suis quibuslibet praedictis semper et ubique in eundo et redeundo per dicta loca vestra tributaria libere et absque omni tributi receptione transire permittatis qualibet difficultate proculmota. Aliud sicut nostra gravi indignatione regia aggravari pertimescitis facere non ausuri. Nos enim praefatos nostros cives et hospites in praemissae libertatis ipsorum praerogativa perpetuali volumus inviolabiliter et illaese tueri atque conservari. Datum in Byztricya Transsiluana, Sabbato proximo post festum corporis Christi, anno eiusdem millesimo CCC^o. LX^mo sexto.


1) So Vorlage.^{^}