Urkunde Nr. 1566 aus Band III

Seite im UB:

409-410 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

1566

1406 April 25 Der Rat von Birthälm bezeugt, dass die Wittwe des Magisters Peter von Malmkrog an Johann Bollart von Birthälm eine Hofstelle in Birthälm sammt allen zugehörigen Nutzungen verkauft hat.

Nos iudex et cives iurati de Birthalm significamus tenore praesentium 10 quibus expedit et quorum interest vel intererit universis tam praesentibus quam etiam futuris, quod ad nostrae universitatis praesentiam accedentes nobilis mulier . . relicta quondam magistri Petri militis de Almkerek parte ex una, et vir discretus Johannes Bollart civis de Birthalm praedicta parte ab altera, nobilis autem relicta praefata pro se et suis voce viva, bona fide, libere et sponte absque omni dolo et fraude dicti vel facti expresse fuit confessa, quod ipsa fundum quendam in dicta Birthalm quasi medio in foro circa contractam publicam situatum¹⁾ cum agris et terris arabilibus, pratis, vineis, cum²⁾ omnibus iuribus et pertinentiis intra et extra dictum fundum quovismodo continentibus emptionis titulo ad ipsam devolutum pure ut praemittitur ipsi praefato Johanni suisque heredibus praesentibus et futuris pro centum quinquaginta florenis tunc monetae currentis vendiderit, et venditum ad perpetuum possidendum cum effectu tradidisset. Pecuniam sive pretium ipsius fundi a dicto Johanne emptore praefata relicta in tota summa se fatebatur recepisse. De autem solutione ipsum Johannem coram nobis quitum reddidit et expeditum. Promisit et in se ipsa domina assumpsit cum suis heredibus ipsum emptorem in dicto fundo conservare pleno iure, tueri³⁾ et defendere contra omnem impetitionem vel²⁾ quoque vel etiam controversiam,⁴⁾ quae a quocumque homine noto vel extraneo moventur vel moveri possint, indemniter⁵⁾ conservare. Immo in casu si dictus emptor vel eius heredes in praemissis contingeret vexari vel forte, quod absit, in causam ad iudicium evocari sive ecclesiastico vel iudicio saeculari super ipso contractu turbari, tunc incontinenti, cum ipsa domina vel etiam heredes fuerint requisiti, in se causam assumet⁶⁾ et ipsam deducent et defendent⁷⁾ suis propriis sumptibus toties quoties opus fuerit et opportunum. Alioquin promisit ipsa relicta nobilis cum suis et se obligavit omnia et singula damna, expensas⁸⁾ et interesse, quas emptor ipse faceret litigando, tam in parte quam in toto [S. 410] resarcire. Etiam rem evictam, si contingeret, restituere teneantur suis sumptibus et expensis. Supplicantes quoque nobis dictae partes, qualiter¹⁾ dictum contractum et quidcumque sequi possit ex eo,²⁾ necnon confessionem, obligationem et omnia supra dicta in perpetuam rei memoriam nostris dignaremur literis roborare. Nos itaque iustis earundem partium supplicationibus annuentes praesentes sub nostri impressione sigilli duximus concedendas. In die beati Marci euangelistae domini, anno eiusdem millesimo quadringentesimo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 409, 1-2 auf S. 410.^{^}
[S. 409]
1) Weissenburger Kapitel nach Angabe der Vorlage: situatam.^{^}
2) So Vorlage. [2x]^{^}
3) Weissenburger Kapitel nach Angabe der Vorlage: tuere.^{^}
4) Vorlage: contoversia.^{^}
5) Vorlage: indemnite.^{^}
6) Scilicet: ipsa domina.^{^}
7) Vorlage: defendant. -- Scilicet: ipsa domina et eius heredes.^{^}
8) Vorlage: expensis.^{^}
[S. 410]
1) So Vorlage.^{^}
2) Vorlage: ea.^{^}