Urkunde Nr. 167 aus Band I

Seite im UB:

121-122

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 829.

Druckvorlage:

nach anderem Urkundenbuch mit Quellennachweis

Abdruck als:

Ausführliches Regest

Sprache:

Latein

---

167

1273 Mai 23 König Ladislaus IV. belohnt magister Petrus filius magistri Mathei de genere Chak für die seinem Vater geleisteten Dienste. Primum siquidem cum dominus rex pater noster tunc gerens terrae Transdanubialis gubernaculum, a facie patris sui, qui eum ex infidelium instigatione relegato paternae pietatis affectu persequebatur, in castrum de Feketyvholm cum pauca comitiva declinasset, idem magister Petrus ex missione patris nostri sub castro Dewa contra Cumanorum exercitum viriliter dimicavit, quosdam ex eis captivando, quosdam autem perimendo triumphalem reportavit victoriam negotium patris nostri ibi feliciter inchoando. Praeterea cum castrum Borynka per inimicos patris nostri et regni Hungariae exploratores fuisset occupatum, praefatus magister Petrus cum effusione sanguinis sui et morte suorum recuperavit castrum illud et iurisdictioni restituit fidelium nostrorum eliminatis infidelibus ex eodem. Ad haec cum praedictus avus noster transmissa armatorum multitudine primum nos et dominam reginam matrem et sorores nostras carissimas de castro [S. 122]
Patak educi fecerat et extrahi, et exinde patrem nostrum investigari faciebat, machinans eum privare iure geniturae et regni diademate spoliare, ipse magister Petrus cum Matheo fratre suo primum captivavit speculatores exercitus avi nostri coatra patrem nostrum ad explorandum clanculo destinatos, quibus de captivitate huiusmodi ad cautelam absolutis, per quorundam baronum patri nostro fidelium, licet tunc ipsi avo nostro coacte famulantium, Saxones et alii homines regionis Transilvanae ad patrem nostrum redierunt, eum naturalem terrae dominum cognoscentes.
Datum per manus magistri Benedicti Orodiensis ecclesiae praepositi, aulae nostrae vicecancellarii dilecti et fidelis nostri, anno domini incarnationis M^o CC^o LXX^o tertio, decimo Kalendas Junii, regni autem nostri anno primo.