Urkunde Nr. 1559 aus Band III

Seite im UB:

398-399 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr.
1834.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1559

Ofen 1406 März 28 König Sigmund verleiht Hedricus, dem Sohne Hedricus' von Alzen, die Besitzung Vecserd.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus tenore praesentium significantes quibus expedit universis, quod nos, qui divina nobis suffragante clementia sceptra gubernamus regalia et eorum principatui auspice deo feliciter praesidemus, cunctorum nobis fideliter obsequentium fidelitates et merita actusque virtuosos provida consideratione pensare et ipsis¹⁾ ex innata nobis regia liberalitate condigna praemia solemus elargiri pro eisdem, recensentes et in regalibus praecordiis digna mentis meditatione revolventes praeclaras fidelitates et laude digna obsequia fidelis nostri Hedrici filii Hedrici de Olchna, quibus ipse celsitudini nostrae in quampluribus nostris et regni nostri negotiis et agendis prosperis scilicet et adversis sub diversitate locorum et temporum non parcendo rebus suis et personae iuxta possibilitatis [S. 399] suae exigentiam virtuose et laudabiliter studuit complacere anhelatque in futurum se ipsum nostrae gratum offerre maiestati, cupientes eidem ratione praemissorum regio occurrere cum favore quandam possessionem Wecheerd vocatam, in comitatu Albensi Julae existentem, quae quondam Salamonis de Magare hominis absque heredum solatio de medio sublati praefuisset ex eoque de iure et de consuetudine regni nostri uti fertur ad manus nostras regias devolutam,¹⁾ quam nunc quidam nobiles veluti iurium nostrorum regalium celatores sub taciturnitatis silentio possiderent, simul cum universis eiusdem utilitatibus et pertinentiis terris scilicet arabilibus, cultis et incultis, pratis, fenetis, pascuis, agris, silvis, nemoribus, montibus, vineis, molendinis, piscinis, aquis aquarumque decursibus et generaliter cunctis eiusdem utilitatum integritatibus quovis nominis vocabulo vocitatis, sub suis veris metis et antiquis, quibus per praefatum quondam Salamonem ac alios suos priores possessores hucusque rite tenta fuisset et possessa, mera nostra regia auctoritate et potestatis plenitudine ex certaque scientia nostrae maiestatis praelatorum etiam et baronum nostrorum consilio praematuro novae nostrae donationis titulo ac omni eo iure, quo eadem ratione praevia nostrae rite incumbit collationi, memorato Hedrico filio Hedrici suisque heredibus et posteritatibus universis dedimus, donavimus et contulimus, immo damus, donamus et conferimus iure perpetuo et irrevocabiliter possidendam, tenendam pariter et habendam, salvo iure alieno, praesentium nostrarum literarum patrocinio mediante. Quas in formam nostri privilegii redigi faciemus, dum nobis in specie fuerint reportatae. Datum Budae, in dominica Judica, anno domini millesimo quadringentesimo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 398, 1 auf S. 399.^{^}
[S. 398]
1) Vorlage: ipsos.^{^}
[S. 399]
1) So Vorlage.^{^}