Urkunde Nr. 1558 aus Band III

Seite im UB:

397-398

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 31.

Druckvorlage:

nach Original

Abdruck als:

Volltext

Sprache:

Latein

---

1558

Ofen 1406 März 21 König Sigmund bestätigt für die Stadt Kronstadt seine Urkunde von 1395 Nr. »1342 mit der Urkunde des Königs Ludwig I. von 1370 Nr. »948, betreffend die der Stadt Kronstadt zukommende Gerichtsbarkeit über falsche Maasse und über andere auf die Waren der Kaufleute bezügliche Angelegenheiten.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendantes tenore praesentium significamus quibus expedit universis, quod cum nos praelatorum, baronum potiorumque regni nostri procerum communicato consilio et sana deliberatione exinde subsecuta id statuentes decreverimus et ubique in regno nostro fecerimus publice proclamari, ut universae literae excellentissimi principis domini Lodouici regis Hungariae et cetera patris et soceri nostri carissimi sub ipsius secreto sigillo tantummodo ac serenissimarum principum dominarum Elizabeth matris et Mariae contoralis reginarum dicti regni Hungariae nostrarum carissimarum felicium recordationum necnon nostrae sub earum atque nostris tam maioribus quam minoribus sigillis super factis quibusvis praesertim possessionariis quibuscumque personis dignitate quavis et conditione fungentibus, ecclesiasticis et saecularibus datae et assignatae pro tollendo omni dubio, removendo scandalo et ad evitanda multa atque varia, quae propter sigillorum ipsarum dominarum reginarum atque nostrorum deperditionem ac nostri maioris videlicet duplicis ex causis et rationibus legitimis confractionem in multorum iuribus praesertim possessionariis damna gravia et periculosa detrimenta hactenus evenire potuernnt, a festo beati Georgii martyris proxime iam praeterito usque festum eiusdem primitus affuturi¹⁾ sub poena revocationis, annullationis et cassationis huiusmodi literarum non producendarum per nos videndae, examinandae et, si opus fieret, sub praesenti nostro maiori sigillo de novo praeparato confirmandae, approbandae et ratificandae nostrae claritatis exhiberi deberent conspectui et praesentari, tandem fidelis noster Symon filius Rudel, Franciscus filius Martini iurati civitatis, item Martinus de Rasna et Hench de Feldwar de pertinentiis civitatis Brassouiensis suis necnon universorum civium hospitum [S. 398] et populorum civitatis eiusdem in personis ad nostrae maiestatis venientes praesentiam exhibuerunt nobis quasdam literas nostras patentes, maiori sigillo nostro dudum in partes dissecato et confracto consignatas, tenorem literarum quondam domini Lodouici regis Hungariae soceri nostri carissimi divae memoriae super libertatibus eiusdem civitatis datis et concessis, confectarum in se verbaliter et confirmative continentes, nostrae humiliter supplicarunt maiestati, ut easdem literas nostras similiter literis nostris patentibus sub praesenti novo maiori nostro sigillo emanandas verbaliter inserendo in earum vigoribus pro ipsius civitatis iurium et libertatum conservatione relinquere dignaremur. Quarum tenor talis est. (Folgt die Urkunde des Königs Sigmund von 1395 Nr. »1342 mit der Urkunde des Königs Ludwig I. von 1370 Nr. »948.) Nos itaque iustis et iuri consonis ipsorum Symonis, Francissci, Martini et Hench petitionibus nostro per eos nominibus quibus supra subiective oblatis culmini regali benignitate exauditis et clementer admissis praefatas literas nostras patentes non abrasas, non vitiatas nec in aliqua earum parte suspectas, sed omni ambiguitatis vitio carentes, prout eaedem vires habere dignoscuntur, ratas habentes atque gratas praesentibus literis nostris similiter patentibus de verbo ad verbum conscribi et inseri faciendo et iuxta tenorem ipsarum in earum vigoribus valere et permanere decernendo praefatis civibus hospitibus et populis dictae civitatis Brassouiensis duximus concedendas. Datum Budae, in dominica Letare, anno domini millesimo quadringentesimo sexto.


1) 1405 April 24 bis 1406 April 24.^{^}