Urkunde Nr. 1543 aus Band III

Seite im UB:

367-368

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1543

Agram 1405 Juli 28 König Sigmund richtet an die Comites und Vizecomites sowie an die Komitatsoberrichter von [Kolosch /] Kolozs, Doboka und Szentimre einen Erlass, betreffend die den Klausenburgern und ihrer Stadt von den ungarischen Königen verliehenen Rechte beziehungsweise den Schutz dieser Rechte durch die genannten Comites, Vizecomites und Komitatsoberrichter.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis comitibus et vicecomitibus ac iudicibus nobilium comitatuum de Kolos, de Doboka et de sancto Emerico partium nostrarum Transsiluanarum nunc constitutis et in futurum constituendis salutem et gratiam. Cum nos fideles nostros cives hospites et incolas civitatis nostrae Koloswar vocatae partium praedictarum simul cum eorum ac ipsius iuribus, iurisdictionibus, libertatibus, privilegus, gratiis et exemptionibus tam per nos quam praedecessores nostros divos reges Hungariae felicium recordationum eis datis, indultis et concessis necnon rebus ac bonis eorum quibuslibet iustis videlicet et legitimis in nostram regiam recepimus protectionem et tutelam specialem viceque nostrae maiestatis personae vestrae commisimus tuitioni, fidelitati igitur vestrae et cuiuslibet vestrum firmiter praecipimus et omnino volentes mandamus, quatenus praefatos cives hospites et incolas de praedicta Koloswar et civitatem eandem in praedictis eorum ac ipsius iuribus, iurisdictionibus, libertatibus, privilegiis, gratiis et exemptionibus rebusque ac bonis universis iustis tamen et legitimis contra quoslibet ipsos ac eam in eisdem indebite et absque iuris tramite impedire, molestare, inquietare, damnificare et perturbare volentes¹⁾ protegere, manutenere, tueri et defensare debeatis nostrae maiestatis in persona et auctoritate [S. 368] praesentibus vobis attributa mediante et dictante iuris aequitate. Secus igitur sub obtentu nostrae gratiae facere non ausuri. Praesentes quoque post lecturam semper reddi iubemus praesentanti. Datum Zagrabiae, feria tertia proxima post festum beati Jacobi apostoli, anno domini millesimo quadringentesimo quinto.

Auf der Rückseite, von einer Hand des 15. Jahrhunderts: Protectionalis comitatuum.


1) Vorlage: volentibus.^{^}