Urkunde Nr. 1542 aus Band III

Seite im UB:

366-367

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1542

Agram 1405 Juli 28 König Sigmund richtet an die Kastellane und Genossen einen Erlass, betreffend die den Klausenburgern an den königlichen Abgabenstellen im Reiche bezüglich ihrer Waren insbesondere bezüglich der Pferde und Rinder sowie der sonstigen zum Verkauf bestimmten Tiere zustehende Freiheit von Abgaben.

Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator fidelibus suis universis castellanis, officialibus et tributariis nostris ubilibet intra regni nostri ambitum constitutis necnon alterius cuiusvis status, dignitatis et praeeminentiae hominibus nostra regalia tributa tam in terris quam super aquis tenentibus eorundemque tributariis seu vicetributariis praesentibus videlicet et futuris praesentium notitiam habituris salutem et gratiam. Quia nos iuxta formam decreti noviter per nos ex praelatorum, baronum procerumque regni nostri deliberatione salubriter instituti universos et quoslibet mercatores et alterius status homines ab omni tributaria solutione in nostris videlicet tributis regiis de ipsorum rebus, bonis, equis, bobus et aliis animalibus venalibus ac mercimoniis quibuscumque alias solvi consueta libertavimus et exemimus liberosque habere volumus penitus et exemptos, vestrae igitur et cuiuslibet vestrum fidelitati firmissimo regio sub edicto praecipimus et mandamus, quatenus a modo et deinceps in antea a fidelibus nostris civibus hospitibus populis et mercatoribus civitatis nostrae Koloswar vocatae partium nostrarum Transsiluanarum seu altero eorum necnon rebus et universis bonis mercimonialibus signanter vero equis, bobus et aliis animalibus venalibus eorundem nullum tributum nullamve tributariam exactionem petere et exigere petique et exigi facere directe vel indirecte quovis quaesito colore praesumatis, quin immo eosdem cives hospites populos et mercatores simul cum eorum mercibus universis de locis huiusmodi tributorum nostrorum absque impe- [S. 367] dimento, damno et vexatione aliquali libere recedere et abire pacifice permittatis. Alioquin ultra indignationem nostram regiam, quam iuxta formam ipsius decreti nostri incurretis, poena arbitraria nostrae maiestatis, cuius severitatem utique sentietis, vos et vestrum quemlibet incompassibiliter puniri faciemus, de quo tandem nulli nisi vestrae temeritati poteritis imputare. Secus igitur in praemissis nullatenus facere praesumatis. Praesentes etiam post earum lecturam semper reddi iubemus et restitui praesentanti. Datum Zagrabiae, feria tertia proxima post festum beati Jacobi apostoli, anno domini millesimo quadringentesimo quinto.